အစိုးရအဖွဲ့ ကောင်းမွန်လာအောင် လုပ်မယ်လို့ သမ္မတ ဦးသိန်းစိန်ပြော

• 
  2013-01-01

ပွင့်လင်းမှုမရှိခဲ့ဘဲ အထီးကျန်ဆန်ခဲ့တဲ့ လူ့အဖွဲ့အစည်းမှာ ပြုပြင်စရာတွေ အများအပြားရှိနေတယ်လို့လည်း သမ္မတက ဝန်ခံပြောဆိုသွားပါတယ်။

၂ဝ၁၁ ခုနှစ် မတ်လက အရပ်သားအစိုးရ တက်လာပြီးတဲ့နောက် နိုင်ငံရေးပြုပြင်ပြောင်းလဲမှုတွေနဲ့အတူ အမျိူသားစည်းလုံးညီညွှတ်ရေး၊ လုံခြုံရေးနဲ့ ငြိမ်းချမ်းရေးအပါအဝင် နိုင်ငံတကာနဲ့ ဆက်ဆံရေးဆိုင်ရာ တိုးမြင့်ရေးအစီအစဉ်တွေအပြင်၊ ကောင်းမွန်သောအုပ်ချုပ်မှု ရှိတဲ့သန့်ရှင်းတဲ့အစိုးရတစ်ရပ် ဖြစ်ရေးတွေကို ပထမရည်မှန်းချက်အဖြစ် သတ်မှတ်အကောင်အထည်ဖော်လာခဲ့တယ် လို့လည်း ဆိုပါတယ်၊

ဒုတိယအဆင့်အနေနဲ့ နိုင်ငံရဲ့ စီးပွားရေး ပြုပြင်ပြောင်းလဲမှု ဆိုတဲ့အတိုင်း စက်မှုဇုန်၊ အထူးစီးပွားရေးဇုန်တွေအပြင် နိုင်ငံခြားရင်းနှီးမြုပ်နှံမှုဆိုင်ရာ ဥပဒေတွေကိုပါ အတည်ပြုပြဌာန်းခဲ့ပြီ ဖြစ်ကြောင်း၊  အခု ၂ဝ၁၃ မှာတော့  တတိယရည်မှန်းချက်ဖြစ်တဲ့ အစိုးရအဖွဲ့အစည်းတွေရဲ့ စီမံအုပ်ချုပ်မှု ကောင်းမွန်လာအောင် ပြုပြင်ပြောင်းလဲမှုတွေကို အလေးထားဆောင်ရွက်သွားမယ်လို့လည်းပြောပါတယ်၊