မြန်မာ ရေနံအလုပ်သမားများ ခွဲခြားဆက်ဆံခံရမှု ကန့်ကွက်
မြန်မာနိုင်ငံ မုတ္တမကမ်းလွန်ဒေသ မှာ ရေနံလုပ်ကွက်ရထားတဲ့ ထိုင်းနိုင်ငံပိုင် PTTEP ကုမ္ပဏီမှာ မြန်မာအလုပ် သမားတွေ ခွဲခြားဆက်ဆံခံနေရတာကို ဖြေရှင်းပေး ဖို့ ဇောတိကကမ်းလွန် ရေနံနဲ့ သဘာဝဓာတ်ငွေ့လုပ်သားများ အဖွဲ့အစည်းက ကုမ္ပဏီတာဝန်ရှိသူတွေထံ ဒီနေ့ တောင်းဆို လိုက်ပါတယ်။
-
2015-02-02 -
-
-
မြန်မာနိုင်ငံ မုတ္တမကမ်းလွန်ဒေသမှာ ရေနံလုပ်ကွက် ရထားတဲ့ ထိုင်းနိုင်ငံပိုင် PTTEP ကုမ္ပဏီမှာ မြန်မာ အလုပ်သမားတွေ ခွဲခြားဆက်ဆံခံနေရတာကို ဖြေ ရှင်းပေး ဖို့ ဇောတိကကမ်းလွန်ရေနံနဲ့ သဘာ၀ ဓာတ်ငွေ့လုပ်သားများအဖွဲ့အစည်းက ကုမ္ပဏီတာဝန် ရှိသူတွေထံ ဒီနေ့ တောင်းဆိုလိုက်ပါတယ်။
ထိုင်းအလုပ်သမားတွေနဲ့ မြန်မာအလုပ်သမားတွေ အကြား လုပ်ခလစာ၊ အားလပ်ရက်နဲ့ အချိန်ပိုကြေးတွေ တန်းတူခံစားခွင့် မရတာကြောင့် ၃ ရက်အတွင်း ဖြေ ရှင်းပေးဖို့ တောင်းဆိုလိုက်တာဖြစ်တယ်လို့ ဇောတိက ကမ်းလွန်ရေနံနဲ့ သဘာဝဓာတ်ငွေ့လုပ်သားများအဖွဲ့က အလုပ်သမားတစ်ဦးက ပြောပါ တယ်။
"ကျနော်တို့လစာက သူတို့နဲ့ယှဉ်လိုက်လို့ရှိရင် နိမ့်ပါတယ်၊ လစာက ၈ ဆကနေ ၁၅ ဆအထိကွာပါတယ်၊ ဒီလိုပဲခွဲခြားဆက်ဆံပါတယ်"
အဲဒီလုပ်ငန်းခွင်မှာ မြန်မာအလုပ်သမား ၃၀ ကျော် နဲ့ ထိုင်းအလုပ်သမား ၄၀ နီးပါးရှိပါတယ်။
မြန်မာအလုပ်သမားတွေက ကုမ္ပဏီအနေနဲ့ အလုပ်သမားတွေအပေါ် ခွဲခြားဆက်ဆံမှုတွေကို အမြန်ဆုံးရပ်တန့်ပေးဖို့၊ လုပ်ခ လစာ၊ ခံစားခွင့်နဲ့ အားလပ်ရက်တွေကို ထိုင်းအလုပ်သမားတွေနဲ့ တန်းတူ ခံစားခွင့်ပေးဖို့၊ စတာတွေကို တောင်းဆိုထား တာဖြစ်ပါတယ်။