မလေးရှားမှာ မြန်မာလုပ်သား အမှုန့်ကြိတ်စက်ထဲကျ သေဆုံး

• 
  2016-10-22

မလေးရှားနိုင်ငံ ဂျလန် ပန်ကက် Jalan Puncak ဒေသက အုတ်ဖုတ်စက်ရုံတခုမှာ မြန်မာ အလုပ်သမားတဦး မနေ့က အမှုန့်ကြိတ်စက်ထဲကျလို့ သေဆုံးသွား ပါတယ်။

အသက် ၃၁ နှစ်ရှိ အဲဒီမြန်မာနိုင်ငံသားအမည်က ကိုညီညီအောင် ဆိုသူဖြစ်ပြီး ပွဲခြင်းပြီးသေဆုံးသွားခဲ့တယ်လို့ မလေးရှားအာဏာပိုင်တွေက ပြောပါတယ်။

အခင်းဖြစ်ပွားတဲ့ အချိန်က နေ့လည် ၁ နာရီလောက်မှာဖြစ်ပြီး အုတ်ဖုတ်စက်ရုံကို ကယ်ဆယ်ရေး အဖွဲ့တွေ ရောက်သွားတဲ့အခါ အမှုန့်ကြိတ်စက်ထဲမှာ ညှပ်နေတဲ့ မြန်မာအလုပ်သမားရဲ့ ရုပ်အလောင်း ကို ဝန်ချီစက်သုံးပြီး ထုတ်ယူရတယ်လို့ ဆိုပါတယ်။ ဖြစ်ပွားပုံအသေးစိပ်ကို မလေးရှားရဲက စုံစမ်း စစ်ဆေးနေ တယ်လို့ ဒေသခံအရာရှိတဦးက ပြောပါတယ်။