ဒေါ်အောင်ဆန်းစုကြည် Bologna မြို့သူဆုနဲ့ ဒဿနိက ဒေါက်တာဘွဲ့ ကို လက်ခံ
ဒေါ်အောင်ဆန်းစုကြည်ဟာ အီတလီနိုင်ငံ မြောက်ပိုင်း Bologna မြို့မှာ ဂုဏ်ထူးဆောင် Bologna မြို့သူဆုနဲ့ Aula Magna တက္ကသိုလ်ကပေးအပ်တဲ့ ဂုဏ်ထူးဆောင် ဒဿနိက ဒေါက်တာ ဘွဲ့ကို လက်ခံခဲ့ပါတယ်။
-
2013-10-30 -
-
-
ဒေါ်အောင်ဆန်းစုကြည်ဟာ အီတလီနိုင်ငံ မြောက်ပိုင်း Bologna မြို့မှာ ဂုဏ်ထူးဆောင် Bologna မြို့သူဆုနဲ့ Aula Magna တက္ကသိုလ်ကပေးအပ်တဲ့ ဂုဏ်ထူးဆောင် ဒဿနိက ဒေါက်တာ ဘွဲ့ကို လက်ခံခဲ့ပါတယ်။
ဘွဲ့ယူမိန့်ခွန်းပြောကြားခဲ့ရာမှာ ဒေါ်အောင်ဆန်းစုကြည်က အတ္တ၊ ပရနဲ့ နိုင်ငံရေးဆိုတဲ့ခေါင်းစဉ်နဲ့ ပြောကြားခဲ့ရာမှာ နိုင်ငံရေးမှာ စိတ်ဓါတ်တော်လှန်ရေးလိုအပ်ပါတယ်၊ ပရကို အတ္တရှေ့မှာထားတာ စိတ်ဓါတ်တော်လှန်ရေးပါ၊ ဒါဟာမလွယ်ပါဘူး၊ ခက်ပါတယ်၊ အတ္တအရေးကြီးသလို ၊ ပရလည်း အရေးပါပါတယ်၊ လောကမှာ အတ္တဟာ ပရနဲ့ တွဲဖက်ပြီးတော့သာ ရှင်သန်ရပ်တည်ရတာပါ၊ ဒါကြောင့် နိုင်ငံရေးမှာ ပရကို ရှေ့တန်းတင် ဦးစားပေးပြီး ဆောင်ရွက်ကြရမှာဖြစ်ပါတယ်လို့ ပြောကြားခဲ့ပါတယ်။
ဒေါ်အောင်ဆန်းစုကြည်ဟာ ကြာသပတေးနေ့မှာ Parma မြို့ကို သွားရောက်ပြီး ဂုဏ်ထူးဆောင်မြို့သူဆု လက်ခံမှာဖြစ်ပါတယ်။ ဒေါ်အောင်ဆန်းစုကြည်ရဲ့ ဥရောပငါးနိုင်ငံခရီးစဉ်ဟာ နိုဝင်ဘာလ ၂ ရက်နေ့မှာ အဆုံးသတ်မယ်လို့ သိရပါတယ်။