ကုလသမဂ္ဂလုံခြုံရေးကောင်စီမှာ မြန်မာ့အရေး တံခါးပိတ်ဆွေးနွေး

• 
  2010-11-19

ရွေးကောက်ပွဲအပြီး အခြေအနေတွေနဲ့ ဒေါ်အောင်ဆန်းစုကြည် လွတ်မြောက်လာတဲ့ ကိစ္စတွေ ဆွေးနွေးခဲ့ကြပေမဲ့ အသေးစိတ် ပြောဆိုတဲ့ အကြောင်းအရာတွေကိုတော့ ထုတ်ပြန်ကြေညာခြင်း မရှိသေးပါဘူး။

ရွေးကောက်ပွဲမှာ စစ်အစိုးရက မသမာမှုတွေ ဗြောင်ကျကျလုပ်ခဲ့တာ၊ နိုင်ငံတကာ သတင်းထောက်တွေ၊ စောင့်ကြည့်ရေးအဖွဲ့တွေကို ဝင်ခွင့်မပေးတာ၊ အပစ်ရပ်တိုင်းရင်းသား လက်နက်ကိုင်အဖွဲ့တွေနဲ့ စစ်ရေးအရ တင်းမာလာတဲ့ အခြေအနေတွေ ဖြစ်နေတာနဲ့ ပတ်သက်လို့ လုံခြုံရေး ကောင်စီအနေနဲ့ စိုးရိမ်မကင်းဖြစ်တာ တွေ့ရတယ်လို့ အဝေးရောက် ညွန့်ပေါင်းအစိုးရ NCGUB ကုလသမဂ္ဂရေးရာ တာဝန်ခံ ဒေါက်တာ သောင်းထွန်းက ပြောပါတယ်။

ဒါအပြင် လုံခြုံရေးကောင်စီမှာ မြန်မာ့အရေး ကျင်းပတဲ့ ဆွေးနွေးပွဲမတိုင်ခင် တရုတ်က ပြင်းပြင်းထန်ထန် ကန့်ကွက်ခဲ့တာကြောင့် ဆွေးနွေးတဲ့အချက်တွေကို သတင်းမီဒီယာတွေကို ထုတ်မပြောပါဘူးဆိုတဲ့ သဘောတူညီချက်နဲ့ အစည်းအဝေး ကျင်းပခဲ့ရတာ ဖြစ်တယ်လို့ ဒေါက်တာ သောင်းထွန်းက ပြောပါတယ်။