မြစ်ကြီးနားမြို့မှာ ဗုံးပေါက်မှု နှစ်မှု ဖြစ်ပွါး
ကချင်ပြည်နယ် မြစ်ကြီးနားမြို့မှာ မနေ့ည ၁၀ နာရီကျော်လောက်က ဗုံးပေါက်ကွဲမှု နှစ်မှု ဖြစ်ပွါး ခဲ့တယ်လို့ သတင်း ရရှိပါတယ်။
-
2011-06-22 -
-
-
မြစ်ကြီးနားဈေး မြင်ကွင်း ဖြစ်ပါသည်။ ဓါတ်ပုံ - RFA
RFA
ပထမတစ်လုံးက ရဲစခန်းရှေ့မှာ ရှိတဲ့ ဆိုင်ခန်းဟောင်းတွေမှာ ပေါက်ကွဲတာ ဖြစ်ပြီး၊ နောက်တလုံးက လူဝင်မှု ကြီးကြပ်ရေးရုံးမှာ ပေါက်ကွဲတာလို့ ဒေသခံ တဦးက ပြောပါတယ်။
ဒါပေမယ့် ထိခိုက် ဒဏ်ရာ ရတာ မရှိဘူးလို့သိရပါတယ်။ ဒါ့အပြင် မြို့တွင်းမှာ အခုမနက် အသွားအလာ အရောင်းအဝယ်တွေလည်း ပုံမှန်အခြေအနေ မှာ ရှိတယ်လို့သိရပါတယ်။
ကချင် လွတ်မြောက်ရေး အဖွဲ့ KIO နဲ့ဦးသိန်းစိန် အစိုးရကြား စစ်ရေးအရ တင်းမာနေတဲ့ အချိန်မှာ အခုလို ပေါက်ကွဲမှု ဖြစ်တဲ့ အတွက် ဒါဟာ ဘယ်သူဘယ်ဝါ ရဲ့ ဆောင်ရွက်ချက်လည်း ဆိုတာ ရှင်းရှင်းလင်း မသိရသေးပါဘူး။
လက်ရှိကာလမှာ အစိုးရတပ်တွေ အင်အားဖြည့်တာကို တားဆီးနိုင်ဖို့ ပျောက်ကြား စနစ်နဲ့ ခုခံစစ် ဆင်နွှဲနေတဲ့ KIA အနေနဲ့တချို့လမ်းတွေ၊ တံတားတွေကို ဖြတ်တောက်တာတွေတော့ ရှိတယ်လို့KIO ပြောခွင့်ရပုဂ္ဂိုလ် ဦးလာနန်းက ပြောပါတယ်။
စနေနေ့ထုတ် အစိုးရထုတ် သတင်းစာမှာတော့ KIA က ချိုးဖျက်လိုက်တဲ့ တံတားပေါင်း (၂၅) စင်း ရှိနေပြီး ဒေသတွင်း ဖွံ့ဖြိုးရေးတွေကို KIA က နှောက်ယှက်နေတယ်လို့ ရေးသားထား ပါတယ်။
KIO ပြောခွင့်ရပုဂ္ဂိုလ် ဦးလာနန်းနဲ့RFA ဝိုင်းတော်သား ကိုနေရိန်ကျော် ဆက်သွယ်မေးမြန်းချက်ကို နားဆင်နိုင်ပါတယ်။
| ဆက်သွယ်မေးမြန်းချက်။ |
|
| အသံဖိုင်ယူရန်။ |