လှေစီးဒုက္ခသည်များပို့မှု ဒေသခံ NGO များ ကန့်ကွက်
လှေစီးဒုက္ခသည်များကို မောင်းတော မြို့နယ်အတွင်း စခန်းဖွင့်ထားရှိခြင်း ဟာ ဒေသလုံခြုံရေးကို ထိခိုက် နိုင်ကြောင်း မောင်းတောနဲ့ ဘူးသီးတောင်ဒေသရှိ လူမူရေးကွန်ရက်များက ကြေညာချက် ထုတ်ပြန်ကန့်ကွက် လိုက်ပါတယ်။
-
2015-06-05 -
-
-
Your browser doesn’t support HTML5 audio
လှေစီးဒုက္ခသည်များကို မောင်းတောမြို့နယ်အတွင်း စခန်းဖွင့်ထားရှိခြင်းဟာ ဒေသလုံခြုံရေးကို ထိခိုက်နိုင်ကြောင်း မောင်းတောနဲ့ ဘူးသီးတောင်ဒေသရှိ လူမူရေးကွန်ရက်များက ကြေညာချက် ထုတ်ပြန်ကန့်ကွက်လိုက်ပါတယ်။
မနေ့က ကြေညာချက်ထုတ်ပြန်တဲ့ လူမူရေးကွန်ရက် စုစုပေါင်း ၂၁ ဖွဲ့ဖြစ်ပြီး မောင်းတောမြို့နယ်က ၁၂ ဖွဲ့နဲ့ ဘူးသီးတောင်က ၉ ဖွဲ့တို့ဖြစ်ကြပါတယ်။ ကြေညာချက်နဲ့ပတ်သက်ပြီး ဘူးသီးတောင် လူမူရေးကွန်ရက်က ဦးအောင်သောင်းရွှေက ပြောပြပါတယ်။
ကြေညာချက်မှာ အချက် ၁၃ ချက်ပါရှိပြီး လှေစီးဒုက္ခသည်တွေဟာ မြန်မာနိုင်ငံက ဖြစ်တယ်လို့ ပြောဆိုနေတဲ့ UNHCR အဖွဲ့ကိုလည်း ကန့်ကွက်ထားပါတယ်။ တဆက်တည်း UN အဖွဲ့အစည်းတွေဟာ ဒေသတွင်း တိုင်းရင်းသားတွေထက် ဘင်္ဂါလီများကိုသာ ဦးစားပေးအကူအညီများ ပေးနေတာကိုလည်း ကန့်ကွက်ထားပါတယ်။
ဒီကြေညာချက်နဲ့ ပတ်သက်ပြီး ဆက်သွယ်မေးမြန်းချက်ကို နားဆင်နိုင်ပါတယ်။