စိုင်းဆိုင်မိန်းနဲ့မေးမြန်းချက်

ရှမ်းပြည်နယ်မှာ လက်နက်ကိုင် ပဋိပက္ခတွေကြောင့် ရှမ်းနဲ့ တအာန်း-ပလောင် လူမျိုးတွေကြားမှာ လူမျိုးရေးဆန်တဲ့ မုန်းတီးမှုတွေ ဖြစ်ခဲ့ပါတယ်။ အဲဒီလို မုန်းတီးမှုတွေ မဖြစ်အောင် ကာကွယ်တားဆီးနိုင်ဖို့ရည်ရွယ်တဲ့ လူငယ် တွေ့ဆုံဆွေးနွေးပွဲတစ်ခုကို လားရှိုးမြို့ Golden Hill Hotel မှာ အခုလ ၂၂ ရက်နေ့ကနေ ၂၄ ရက်နေ့အထိ သုံးရက်ကြာ ကျင်းပခဲ့ပါတယ်။ ဆွေးနွေးပွဲ စီစဉ်သူတစ်ဦးဖြစ်တဲ့ "မြန်မာနိုင်ငံလုံးဆိုင်ရာ ရှမ်းလူငယ်ကွန်ရက်" က စိုင်းဆိုင်မိန်းကို RFA သတင်းထောက် ကိုကံသာက တွေ့ဆုံမေးမြန်းထားပါတယ်။