ဟိန္ဒားသတ္တုတွင်းနဲ့ သဘာဝပတ်ဝန်းကျင်

တနင်္သာရီတိုင်း မေတ္တာမြို့နယ်ခွဲမှာ ထိုင်းနိုင်ငံက လာရောက်လုပ်ကိုင်တဲ့ မြန်မာပွန်ပီပက်ကုမ္ပဏီရဲ့ ဟိန္ဒားသတ္တုစီမံကိန်းကြောင့် အနီးအနားက ဒေသခံတွေရဲ့ လယ်ယာမြေတွေပျက်စီးဆုံးရှုံးပြီး မြစ်ချောင်းတွေပါ တိမ်ကောလာတဲ့အတွက် သဘာဝပတ်ဝန်းကျင် ထိခိုက်ပျက်စီးနေတဲ့အကြောင်း ဒေသခံတွေနဲ့ ဒေသခံတွေကို ကိုယ်စားပြုပေးနေတဲ့ ရှေ့နေအဖွဲ့ဝင်တွေက ဒီဇင်ဘာလ ၂၁ရက်နေ့က ရန်ကုန်မြို့ Orchid Hotel မှာ သတင်းစာရှင်းလင်းပွဲကျင်းပခဲ့ပါတယ်။

ဒေသခံတွေကို ကိုယ်စားပြုပေးနေတဲ့ Dawei Pro Bono Lawyers Network အဖွဲ့ဝင် မအေးမွန်သူ ကို RFA သတင်းထောက် ကိုသန့်ဇင်ဦး က တွေ့ဆုံမေးမြန်းထားပါတယ်။