တီကျစ် ကျောက်မီးသွေးစက်ရုံကြောင့် ရေထု လေထုညစ်ညမ်းမှု

ရှမ်းပြည်နယ်၊ ပင်လောင်းမြို့ နောင်တရားမြို့နယ်ခွဲမှာရှိတဲ့ တီကျစ်ကျောက်မီးသွေးစက်ရုံကနေ စွန့်ပစ်တဲ့ ကျောက်မီးသွေးပြာတွေကြောင့် ဒေသအတွင်းမှာ ရေထုနဲ့ လေထုညစ်ညမ်းမှုတွေဟာ ကမ္ဘာ့ကျန်းမာရေးအဖွဲ့ WHO ရဲ့ စံသတ်မှတ်ချက်တွေထက် ကျော်လွန်နေပြီး အန္တရာယ်ရှိတဲ့ အနေအထားဖြစ်နေတယ်လို့ သိရပါတယ်။

အဲဒီဒေသက ရေနဲ့ မြေတွေရဲ့ ညစ်ညမ်းမှု အခြေအနေတွေကို တိုင်းတာခဲ့တဲ့ Myanmar Alliance for Transparency and Accountability (MATA)  အဖွဲ့က ဦးအောင်ကျော်မိုး ကို RFA သတင်းထောက် မဇာဏီထွဏ်း က  ဆက်သွယ်မေးမြန်းထားပါတယ်။