တစ်ရက်လုပ်ခ ကျပ် ၅၆၀၀ သတ်မှတ်ပေးဖို့ တောင်းဆို

အနည်းဆုံးလုပ်ခလစာ သတ်မှတ်ရေးဆိုင်ရာ အမျိုးသားကော်မတီနဲ့ အထက်မြန်မာပြည် အလုပ်သမားကိုယ်စားလှယ်တွေဟာ အနည်းဆုံးလုပ်ခလစာ အဆိုပြုနှုန်းထားတစ်ခုရရှိဖို့ မန္တလေးမြို့မှာ ဒီကနေ့ တွေ့ဆုံဆွေးနွေးခဲ့ကြပါတယ်။

တွေ့ဆုံရာမှာ အနည်းဆုံးလုပ်ခလစာ တစ်ရက် ၅၆၀၀ သတ်မှတ်ပေးဖို့ အပါအဝင် အချက်တချို့ကို တောင်းဆိုခဲ့ကြတယ်လို့ မန္တလေးတိုင်း အနည်းဆုံးလုပ်ခလစာ သတ်မှတ်ရေးကော်မတီဝင် ဦးသက်နှင်းအောင် က ပြောပါတယ်။