ကချင်ပြည်နယ် တိုက်ပွဲ စောင့်ကြည့်ရေးအဖွဲ့နဲ့ ဆက်သွယ်မေးမြန်းချက်

ကချင်ပြည်နယ်မှာ အခုလအလယ်လောက်က စတင်ဖြစ်ပွားတဲ့ အစိုးရတပ်နဲ့ KIA အဖွဲ့တွေအကြား တိုက်ပွဲတွေဟာ မန်စီမြို့နယ်အတွင်းမှာ ပိုမိုပြင်ထန်လာနေပြီး မနေ့ကဆိုရင် အစိုးရတပ်တွေက မန်စီမြို့ထဲက ကုန်းမြင့်တွေကနေ KIA တပ်စခန်းရှိတဲ့နေရာကို လက်နက်ကြီးတွေနဲ့ပစ်ခတ်ခဲ့တယ်လို့ မြို့ခံတွေက ပြောပါတယ်။

ပစ်ခတ်မှုတွေကြောင့် မြို့တွင်းစာသင်ကျောင်းတွေအားလုံး ပိတ်လိုက်ပြီလို့ သိရပါတယ်။ ဒါ့အပြင် လက်နက်ကြီးပစ်ခတ်တဲ့ ရပ်ကွက်၂ ခုမှာလည်း နေထိုင်သူတွေ ကြောက်ရွံနေတာကြောင့် ထွက်ပြေးတာတွေရှိတယ်လို့  သိရပါတယ်။

ဒီအကြောင်းတွေနဲ့ပတ်သက်ပြီး ဗန်းမော်မြို့မှာရှိတဲ့ GDI စောင့်ကြည့်ရေးအဖွဲ့က မကြာရာကို ဦးတင်အောင်ခိုင်က ဆက်သွယ်မေးမြန်းထားတာ နားဆင်နိုင်ပါတယ်။