ဖိနှိပ်ရက်စက်မှုတွေကြားမှာပဲ ဆန္ဒပြမှုများ ဆက်ရှိနေ

ဒီဇင်ဘာလ ၅ ရက်နေ့က ရန်ကုန်မြို့ ကြည့်မြင်တိုင်မှာ ငြိမ်းငြိမ်းချမ်းချမ်း ဆန္ဒပြသူ လူငယ်တွေကို စစ်ကောင်စီ တပ်သားတွေက ကားနဲ့တိုက်၊ သေနတ်နဲ့ပစ်ပြီး ရက်ရက်စက်စက် ဖြိုခွဲခဲ့လို့ သေဆုံးသူ ငါးဦးထက်မနည်းရှိပြီး ဒဏ်ရာရသူ၊ အဖမ်းခံရသူတွေလည်း ရှိခဲ့ပါတယ်။ ဒါပေမဲ့ မနေ့က ဒီဇင်ဘာ ၆ ရက်နေ့မှာ လူငယ်တွေဟာ ရန်ကုန်မှာ ထပ်ပြီးဆန္ဒပြခဲ့ကြပါတယ်။ အသက်အန္တရာယ်ရှိတာ သိပေမယ့် အာဏာရှင်စနစ် အမြစ်ပြတ်ဖို့ ဆန္ဒပြမှုတွေကို ဆက်လုပ်သွားမယ်လို့ မနေ့က ဒီဇင်ဘာလ ၆ ရက် ဆန္ဒပြပွဲကို ဦးဆောင်ခဲ့တဲ့ တက္ကသိုလ် ကျောင်းသားဟောင်းများအင်အားစုက ကိုနန်းလင်းက ပြောပါတယ်။

ကိုနန်းလင်းကို မခက်မာ ဆက်သွယ်မေးမြန်း ထားပါတယ်။