စစ်ကိုင်းသစ်ချောထည်စက်ရုံကို သပိတ်မှောက်ခဲ့တဲ့ အလုပ်သမားတွေ အလုပ်ရရှိဖို့ ခက်ခဲနေ

စစ်ကိုင်းမြို့၊ Myanmar Veneer သစ်အချောထည်စက်ရုံ အလုပ်သမားသပိတ်မှာ ပါဝင်ခဲ့တဲ့ အလုပ်သမား တစ်ရာကျော်ဟာ အလုပ်အကိုင်ရှာဖို့ အခက်အခဲတွေ ဖြစ်နေတာကြောင့် အလုပ်သမားတစ်ရာကျော် ကိုယ်စား ၉ ဦးက စစ်ကိုင်းတိုင်း ဝန်ကြီးချုပ်နဲ့ တွေ့ဆုံဖို့ တိုင်းဒေသကြီး အစိုးရအဖွဲ့ရုံးရှေ့မှာ တွေ့ခွင့်တောင်းခဲ့ပေမယ့် စည်ပင်သာယာရေးဝန်ကြီးနဲ့သာ တွေ့ခွင့်ရခဲ့ပါတယ်။

စည်ပင်သာယာရေးဝန်ကြီး ဦးမြင့်ကြည်နဲ့ တွေ့ဆုံခဲ့တဲ့ အလုပ်သမားသပိတ် ခေါင်းဆောင် ကိုခိုင်မင်း ကို RFA သတင်းထောက် မသီရိမင်းဇင် က ဆက်သွယ်မေးမြန်းထားပါတယ်။