ညီမျှခြင်းမြန်မာအဖွဲ့ရဲ့ ဒါရိုက်တာ ဦးအောင်မျိုးမင်းနဲ့ မေးမြန်းချက်

ညီမျှခြင်းမြန်မာ (Equality Myanmar) အဖွဲ့က ဘာသာပေါင်းစုံချစ်ကြည်ရေး လှုပ်ရှားဆောင်ရွက်နေ တဲ့ သင့်မြတ်လိုသူများအဖွဲ့ဝင် ကိုဇော်ဇော်လတ်၊ မပွင့်ဖြူလတ်နဲ့ ကိုဇော်ဝင်းဗိုလ်တို့ကို တရားမဝင် နယ်ခြားဖြတ်ကျော်မှု ပုဒ်မ ၁၃ (၁)နဲ့ ထောင်ဒဏ် နှစ်နှစ်ချမှတ်လိုက်တဲ့ ကိစ္စအပါအဝင် ဘာသာ ရေးနဲ့ပတ်သက်နေတဲ့ ကိစ္စသုံးခုကို အခြေခံပြီး လွတ်လပ်စွာကိုးကွယ်ယုံကြည်ခွင့် အခြေအနေ သုံးသပ်ချက် အစီရင်ခံစာကို ဒီနေ့ထုတ်ပြန်လိုက်ပါတယ်။

မြန်မာနိုင်ငံဟာ လွတ်လပ်စွာကိုးကွယ်ယုံကြည်ခွင့် ဖိနှိပ်ခံထားရတဲ့ တိုင်းပြည်ဖြစ်တယ်လို့ (Equality Myanmar ) ညီမျှခြင်းမြန်မာအဖွဲ့ရဲ့ ဒါရိုက်တာ ဦးအောင်မျိုးမင်းက ပြောပါတယ်။

ဦးအောင်မျိုးမင်းကို အာအက်ဖ်အေ သတင်းထောက် မဝေမာထွန်း ဆက်သွယ်မေးမြန်းထားပါတယ်။