ဒုတိယဗိုလ်မှူးကြီး ဗညားကျော်နဲ့ RFA ဆက်သွယ်မေးမြန်းချက် (အပိုင်း - ၂)

စစ်ကောင်စီလက်အောက်ခံ တပ်မတော် သိပ္ပံနဲ့ နည်းပညာသုတေသနဌာနက ဒုတိယ ဗိုလ်မှူးကြီး ဗညားကျော်ဟာ CDM အာဏာဖီဆန်ရေး ပြည်သူ့လှုပ်ရှားမှုမှာပါဝင်လာခဲ့ပြီး လုံခြုံစိတ်ချရတဲ့ လွတ်မြောက်နယ်မြေတစ်နေရာကို အခုရောက်ရှိနေပါပြီ။ သူအခုလို ပြည်သူနဲ့ ပူးပေါင်းခဲ့မှုနဲ့ ပတ်သက်ပြီး ဒုတိယ ဗိုလ်မှူးကြီး ဗညားကျော် ကို RFA က သီးသန့် ဆက်သွယ်မေးမြန်းခွင့်ရရှိခဲ့ပါတယ်။ အဲဒီ မေးမြန်းခန်းတွေကို အပိုင်း ၃ ပိုင်းခွဲပြီး RFA က တင်ဆက်နေရာမှာ ပထမ ပိုင်းကို ဒီနေ့မနက်ပိုင်းက တင်ဆက်ခဲ့ပြီး ဖြစ်ပါတယ်။

အခု ဒုတိယပိုင်းမှာတော့ စစ်တပ်က နိုင်ငံရေးမှာ ဘာကြောင့် ပါဝင်နေတာလဲ၊ စစ်တပ်အရာရှိတွေကို ဘယ်လို ဦးနှောက်ဆေးကြောထားသလဲ၊ စစ်ကောင်စီတပ်ဖွဲ့တွေနဲ့ ဒီမိုကရေစီလိုလားတဲ့ တော်လှန်ရေးအဖွဲ့တွေရဲ့ အားသာချက် အားနည်းချက်တွေနဲ့ ပတ်သက်ပြီး ဒု ဗိုလ်မှူးကြီး ဗညားကျော်ရဲ့ ဖြေကြားချက်တွေကို ဦးခင်မောင်စိုး က တင်ပြထားပါတယ်။