မြေယာလျော်ကြေးပေးရေး တရုတ်ကုမ္ပဏီ နဲ့ ကျောက်ဖြူဒေသခံတွေ ညှိနှိုင်း

ရခိုင်ပြည်နယ် ကျောက်ဖြူမြို့နယ် မဒေးကျွန်းမှာ တရုတ်နိုင်ငံ CNPC ရေနံကုမ္ပဏီက တည်ဆောက်နေတဲ့ ရေနံတင်ဆိပ်ကမ်းနဲ့ ရေနံသိုလှောင်ကန်ဆောက်တဲ့ စီမံကိန်းက လယ်ယာမြေတွေသိမ်းထားတာကို ဒေသခံတွေက မနက်ဖန်မှာ ဆန္ဒပြဖို့ စာတင် ထားခဲ့ပါတယ်။ CNPC မဒေးကျွန်းမှာ အခြေစိုက်တဲ့ ကုမ္ပဏီ အရာရှိတွေနဲ့ မြန်မာ့ စွမ်းအင်က တာဝန်ရှိသူတွေက ဒေသခံတွေကို လျော်ကြေးပေးမယ်လို့ ကတိပေးခဲ့တာ ကြောင့် ဒေသခံတွေက ဆန္ဒပြပွဲကို ဖျက်သိမ်း လိုက်ပါတယ်။

ဆန္ဒပြဖို့ စီစဉ်ခဲ့တဲ့ မဒေးကျွန်းဒေသ ဘက်စုံဖွံ့ဖြိုးတိုးတက်ရေးအသင်း ဥက္ကဌ ဦးထွန်းကြည်ကို RFA သတင်းထောက် မဇာဏီထွဏ်း ဆက်သွယ်မေးမြန်း ထားပါတယ်။