၁၉၈၈ အရေးတော်ပုံနဲ့ ညီပုလေး

မန္တလေးမြို့မှာ နေထိုင်တဲ့ စာရေးဆရာ ညီပုလေးက ၈၈ အရေးတော်ပုံ ကာလအတွင်းမှာ မိခင် လူထုဒေါ်အမာ အပါအဝင် အဒေါ်တွေနဲ့အတူ လမ်းလျှောက် ဆန္ဒပြပွဲတွေမှာ ပါဝင်ခဲ့သလို စာရေးဆရာ ဝင်းစည်သူနဲ့အတူ လူထု သတင်းစာတိုက်ကို အခြေခံပြီး "၈ လေးလုံး"ဆိုတဲ့ သတင်းစာတစ်စောင် ထုတ်ဝေခဲ့တယ်လို့ ဆိုပါတယ်။

2012.08.08

၈ လေးလုံး သတင်းစာရဲ့ ခေါင်းကြီးတွေကို စာရေးဆရာမကြီး လူထုဒေါ်အမာက နာမည်မခံပဲ ရေးပေးခဲ့တယ်လို့ သူကပြောပါတယ်။

သပိတ်မှောက်ရက်တွေ ကြာလာတဲ့အခါ လုပ်ငန်းတွေ ရပ်ဆိုင်းပြီး စားဝတ်နေရေးတွေ ခက်ခဲလာတဲ့အတွက် စာရေးဆရာတွေနဲ့ အနုပညာ အသိုင်းအဝိုင်းက လူတွေကို သတင်းစာ ကိုယ်စားလှယ် အဖြစ် ဖြန့်ချိခွင့် ပေးခဲ့ကြောင်း၊ တချို့စာရေးဆရာတွေက ကိုယ်တိုင် သတင်းစာ ထွက်ရောင်းခြင်းအားဖြင့် စားဝတ်နေရေး ဖြေရှင်းနိုင်ခဲ့တယ်လို့ ၈၈ အရေးတော်ပုံ အမှတ်တရအဖြစ် ဆရာ ညီပုလေးက ပြောပြပါတယ်။

ပြောပြချက်။
အသံဖိုင်ယူရန်။
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။