မန်စီမြို့နယ် ဒုက္ခသည်တွေနဲ့ ပတ်သက်ပြီး ဆွေးနွေးချက်

အခုတစ်ပတ်   ဆွေးနွေးပွဲစကားဝိုင်း အစီအစဉ်မှာ ကချင်ပြည်နယ်၊ ဗန်းမော်ခရိုင် မန်စီမြို့နယ်ဘက်မှာ  ပြီးခဲ့တဲ့ သီတင်းပတ်တွေက အစိုးရတပ်တွေနဲ့  (KIA) ကချင်တပ်တွေအကြား ဖြစ်ပွားခဲ့တဲ့ တိုက်ပွဲတွေကြောင့် ထွက်ပြေးတိမ်းရှောင်နေရသူပေါင်း  ၅ ထောင်ကျော်ရှိနေပြီ ဆိုတဲ့သတင်းတွေကို အခြေခံပြီး ဒုက္ခသည်တွေကို ကူညီပေးနေတဲ့အဖွဲ့တွေကို   ဦးခင်မောင်ညိန်းက ဆက်သွယ်တင်ပြထားပါတယ်။

ဒီအစီအစဉ်မှာ  ပါဝင်ဆွေးနွေးထားကြတဲ့ ဧည့်သည်တော်တွေကတော့ ကယ်ဆယ်ရေးလုပ်ငန်းတွေမှာ ပါဝင်ဆောင်ရွက်နေကြတဲ့ ဗန်းမော်မြို့အခြေစိုက် ကရုဏာမေတ္တာ လူမှုကူညီရေးအဖွဲ့က ဦးနော်ဒင်းနဲ့ မိုင်ဂျာယန်ဒေသ ဝံဘောင် နင်းတွိုင် WPN  လူမှုကူညီရေးအဖွဲ့က ဒေါ်မေရီတွမ်တို့ ဖြစ်ကြပါတယ်။