ཁེ་ན་ཌའི་གཞུང་གིས་བོད་ཀྱི་གནད་དོན་ལ་རྒྱབ་སྐྱོར་མཚམས་འཇོག་པ་རེད་དམ།
སྤྱི་ཟླ་༧པའི་ཚེས་༧ཉིན་ཁེ་ན་ཌའི་གསར་ཤོག་The Hill Times ཞེས་པའི་ནང་སྤེལ་བའི་དཔྱད་རྩོམ།
- 2021-07-21
-
-
-
Your browser doesn’t support HTML5 audio
ཁེ་ན་ཌའི་གཞུང་གིས་བོད་ཀྱི་གནད་དོན་ལ་རྒྱབ་སྐྱོར་མཚམས་འཇོག་པ་རེད་དམ་ཞེས་འགོ་བརྗོད་དུ་འཁོད་པའི་ཉེ་ལམ་སྤྱི་ཟླ་༧པའི་ཚེས་༧ཉིན་ཤེས་རབ་མཐར་ཕྱིན་ལགས་དང་ཨ་བི་ཤི་ཇེན་གཉིས་ཀྱིས་ཁེ་ན་ཌའི་གསར་ཤོག་The Hill Times ཞེས་པའི་ནང་དཔྱད་རྩོམ་ཞིག་སྤེལ་ཡོད།དེ་རིང་ཁ་བའི་གྲོས་རཱའི་ལེ་ཚན་ནང་ད་ལྟའི་ཁེ་ན་ཌའི་སྲིད་བློན་Justine Trudeau ལགས་༢༠༡༥ལོར་སྲིད་བློན་འོས་འདེམས་བྱུང་བ་ནས་བཟུང་ཁོང་གིས་བོད་ཞེས་པའི་ཚིག་དེ་ཁ་ནས་ཟུར་ཙམ་ཡང་ཐོན་མེད་པ་དང་མ་ཟད་ཟླ་བ་སྔོན་མ་ནང་ཁེ་ན་ཌའི་ད་ལྟའི་གཞུང་འཛིན་གུ་ཡངས་ཆབ་སྲིད་ཚོགས་པས་སྤྱི་ཟླ་༦པའི་ཚེས་༢༢ཉིན་ཁེ་ན་ཌ་དང་རྒྱ་ནག་གི་ཕྱི་འབྲེལ་ཐོག་དམིགས་བསལ་ལས་དོན་ཚོགས་ཆུང་གིས་བོད་དོན་རྒྱབ་སྐྱོར་གྱི་གྲོས་གཞི་ཞིག་བཏོན་པ་དེ་ལ་ཡང་ངོས་ལེན་བྱས་མེད་པས་གནས་སྟངས་ཅན་ལ་གཞིགས་ན།ད་ཆ་ཁེ་ན་ཌའི་གཞུང་གིས་བོད་དོན་ལ་ཐུགས་འཁུར་དེ་ཙམ་གནང་གི་མེད་པའི་ཚོར་སྣང་ཞིག་ཡོང་གི་ཡོད་པ་རེད།དེའི་དོན་རྐྱེན་གང་ཡིན་སྲིད་མིན་ཞིབ་ཕྲ་ཁེ་ན་ཌ་བོད་དོན་ལྷན་ཁང་གི་འགན་འཛིན་ཤེས་རབ་མཐར་ཕྱིན་ལགས་དང་རྩོམ་སྒྲིག་འགན་འཛིན་རྡོ་རྗེ་དགྲ་འདུལ་གྱིས་བཅའ་འདྲི་བྱས་པར་ཉན་རོགས་ཞུ།
གསར་འགོད་པ། རྡོ་རྗེ་དགྲ་འདུལ།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།