རེབ་གོང་གི་ཀོའུ་སྡེ་དང་ཉ་ལུང་སྡེ་བ་གཉིས་རྩྭ་ས་རྩོད་གླེང་བྱུང་ཡོད་པ།

རེབ་གོང་གི་ས་རྩོད་དམར་འཛིང་རྗེས་ས་གནས་སུ་རྒྱ་ནག་གི་དམག་འབྱོར་བ། ༢༠༡༤།༨།༡༢

༄༅༎ཐེངས་འདིའི་གང་ལྗོངས་གླེང་སྟེགས་ཞེས་པའི་ལེ་ཚན་ནང་དུ། ད་ལོའི་ཕྱི་ཟླ་༨ཚེས་༡༡ཉིན། མདོ་སྨད་རེབ་གོང་གི་ཀོའུ་སྡེ་དང་ཉ་ལུང་སྡེ་བ་གཉིས་རྩྭ་ས་རྩོད་གླེང་ལ་ཐུག་ནས། ཆུ་ཚོད་བརྒྱད་རིང་གྲི་དང་རྡོ་ཡི་དམར་འཛིང་བྱས་མཐར་ཉ་ལུང་སྡེ་བའི་ཕོ་གསར་ཞིག་བསད་པ་དང་གཞན་ཕྱོགས་གཉིས་ཀའི་མི་མང་པོར་རྨས་སྐྱོན་བྱུང་བའི་དོན་རྐྱེན་དང་འབྲེལ་བའི་སྐོར། ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི༼བསམ་བློ་གཔྱད་གཞི༽ཞེས་ པའི་ཆེད་སྒྲིག་ལེ་ཚན་གཙོ་སྐྱོང་པ་ཁྲིམས་རྩོད་པ་ཀ་བཙན་བླ་མ་སྐྱབས་ལགས་དང་། ཨ་རིའི་ཨིན་དྷི་ཡཱ་ན་སློབ་ཆེན་གྱི་བོད་ཡིག་དགེ་རྒན་དགེ་འདུན་རབ་གསལ་ལགས་བཅས་རྣམ་གཉིས་དང་ལྷན་དུ། ལེ་ཚན་གཙོ་སྐྱོང་བ་སྟག་ལྷ་རྒྱལ་གྱིས་གླེང་མོལ་ཞུས་པར་གསན་རོགས༎

 

གསར་འགོད་པ་སྟག་ལྷ་རྒྱལ།