རྒྱ་ནག་གིས་བོད་ནང་ཤིང་སྡོང་མང་པོ་བཙུགས་པ་བསྒྲགས་ཡོད་ཀྱང་འཛུཊ་སྐྲུན་ལས་གཞི་འདྲ་མིན་འོག་ཁོར་ཡུག་ལ་གཏོར་སྐྱོན་ཐེབས་བཞིན་ཡོད་པ།
རྒྱ་ནག་གིས་བོད་ནང་འཛུཊ་སྐྲུན་ལས་གཞི་འདྲ་མིན་འོག་ཁོར་ཡུག་ལ་གཏོར་སྐྱོན་ཐེབས་བཞིན་ཡོད་པ།
སྒྲིག་བཟོ། /ICT
རྒྱ་ནག་གིས་བོད་ཀྱི་རྒྱལ་ས་ལྷ་ས་གྲོང་ཁྱེར་གྱིས་ ༢༠༢༤ ལོར་ས་ཞིང་སྤྱི་ཆིང་ཆིག་ཁྲི་བརྒལ་བར་ཤིང་སྡོང་བཙུགས་ལུགས་བསྒྲགས་འདུག ཡིན་ནའང་རྒྱ་ནག་གཞུང་གིས་བོད་ཁུལ་དུ་ཤིང་ནགས་གཅོད་འབྲེག་དང་གཏེར་ཁ་སྔོག་འདོན། ཆུ་རགས་གསར་རྒྱག་སོགས་ལས་གཞི་སྣ་ཚོགས་ཤིག་སྤེལ་ཏེ་བོད་ཀྱི་སྐྱེ་ཁམས་ཁོར་ཡུག་ལ་གནོད་འཚེ་ཆེན་པོ་ཐེབས་ཡོད་པ་ཁོར་ཡུག་ཆེད་མཁས་པ་ཚོས་སྐྱོན་བརྗོད་བྱེད་བཞིན་ཡོད་པ་རེད།
དེ་ཡང་ལྷ་ས་གྲོང་ཁྱེར་གྱིས་ཕྱི་ཟླ་ ༡༢ ཚེས་ ༢༩ ཉིན་སྤེལ་བའི་གཞུང་གི་ལས་དོན་སྙན་ཐོའི་ནང་། ༢༠༢༤ ལོར་ལྷ་ས་གྲོང་ཁྱེར་གྱིས་ལྷ་སའི་ལྷོ་དང་བྱང་གི་ས་ཁུལ་ཁག་དུ་སྤྱི་ཆིང་ཆིག་ཁྲི་ཆིག་སྟོང་བརྒྱད་བརྒྱ་ལྷག་གི་ཤིང་ནགས་འདེབས་འཛུགས་བྱས་ཡོད་པ་མ་ཟད། ལྷ་ས་གྲོང་ཁྱེར་དུ་གོམ་པ་གྲུ་བཞི་མ་ཁྲི་གཅིག་དང་སྟོང་གསུམ་ལྷག་གི་ལྡུམ་རྭ་དང་ཁྱམས་རྭ་སོགས་ལྗང་མདོག་ཅན་དུ་བསྒྱུར་ཡོད་ལུགས་བཀོད་ཡོད་པ་རེད།
འདི་འབྲེལ་ལྷ་ས་གྲོང་ཁྱེར་གྱི་སྤྱི་ཁྱབ་པ་ཝང་ཆིའང་ (Wang Qiang) ཟེར་བས་ ༢༠༢༥ ལོར་ལྷ་ས་གྲོང་ཁྱེར་དུ་མུ་མཐུད་ནས་ས་ཞིང་མུ་ཁྲི ༢༥ ཐོག་ཤིང་སྡོང་བཙུགས་ནས་ལྗང་མདོག་ཅན་དུ་བསྒྱུར་རྒྱུ་ཡིན་ལུགས་བཤད་པ་རྒྱ་ནག་གཞུང་འབྲེལ་ཤིན་ཧྭ་གསར་སྤེལ་ཁང་གིས་ལུང་འདྲེན་བྱས་ཏེ་གནས་ཚུལ་སྤེལ་འདུག
འོན་ཀྱང་ཕྱི་ལོ་ ༢༠༢༤ ལོ་བར་རྒྱ་ནག་གཞུང་གིས་བོད་ནང་དུ་ཆུ་རགས་ ༡༩༣ འཛུགས་སྐྲུན་བྱེད་དང་བྱ་རྒྱུའི་འཆར་གཞི་གཏན་འབེབས་བྱས་ནས་ཆུ་རགས་ཁག་ཅིག་དངོས་སུ་འཛུགས་སྐྲུན་འགོ་ཚུགས་ཡོད་པ་རྒྱལ་སྤྱིའི་བོད་དོན་ལས་འགུལ་ཁང་གི་སྙན་ཐོ་རུ་གསལ་འདུག གཞི་རྒྱ་ཆེ་བའི་ལས་གཞི་དེ་དག་གིས་བོད་ཀྱི་སྐྱེ་ཁམས་ཁོར་ཡུག་དང་རིག་གཞུང་། སྤྱི་ཚོགས་ལ་གནོད་སྐྱོན་བཟོ་བཞིན་ཡོད་ཚུལ་སྙན་ཐོའི་ནང་གསལ་སྟོན་གནང་ནས་དམིགས་བཀར་དྲྭ་ལམ་ས་ཁྲ་ཞིག་ཀྱང་འདོན་སྤེལ་བྱས་ཡོད་པ་རེད།
དེ་མཚུངས་སུ་ལོ་ངོ་བརྒྱ་ཕྲག་གི་ལོ་རྒྱུས་ཡོད་པའི་བོད་པའི་དགོན་གྲོང་མང་དག་ཅིག་བཙན་ཤེད་ཀྱི་འོག་ནས་གནས་སྤོ་བྱས་བཅུག་པ་དང་ཆུ་རགས་བརྒྱབས་ཏེ་ཆུའི་འོག་བསྣུབས་པ་སོགས་དོན་རྐྱེན་དུ་མ་བྱུང་ཡོད་པ་རེད། འབྲི་ཆུའི་བཞུར་རྒྱུན་དུ་ཆུ་མཛོད་གསར་རྒྱག་གི་ལས་འཆར་སྤེལ་ནས་ས་གནས་བོད་མིས་ཞུ་འབོད་བྱས་ཡོད་པ་དཔེར་ན། ཕྱི་ལོ་ ༢༠༢༤ ཟླ ༢ ནས་བཟུང་སྡེ་དགེ་རྫོང་མི་དམངས་སྲིད་གཞུང་གི་སྒོ་འགྲམ་དུ་བོད་མི་མང་པོ་འཛོམས་ནས་དབོན་པོ་སྟོད་ཕྱོགས་སུ་ཤང་གཉིས་དང་དགོན་པ་དྲུག་ས་གནས་གཞན་ལ་གནས་སྤོ་མི་དགོས་པའི་ཞུ་སྐུལ་བྱས་པར་བརྟེན། ༢༠༢༤ ཟླ ༢ ཚེས ༢༢ ཉིན་སྡེ་དགེ་རྫོང་གིས་ཞི་བའི་རེ་སྐུལ་འདོན་མཁན་བོད་མི ༡༠༠༠ ལྷག་བཀག་ཉར་བྱས་ཏེ་ཉེས་རྡུང་བཏང་ནས་བོད་མི་མང་པོ་ཞིག་སྨན་ཁང་ལ་བསྐྱལ་དགོས་འཁེལ་བ་ཡང་བྱུང་ཡོད་པ་རེད།
དེ་མིན་ ༢༠༢༤ ཟླ ༧ པའི་ནང་། མཚོ་སྔོན་ཞིང་ཆེན་མཚོ་ལྷོ་ཁུལ་བྲག་དཀར་རྫོང་དང་མང་རྫོང་གཉིས་ཀྱི་ས་མཚམས་སུ་འཁེལ་བའི་དཀར་མོ་གཡང་འཁྱིལ་དུ་ཆུ་ཤུགས་གློག་འདོན་འཛུགས་སྐྲུན་ལ་ཁ་གཡར་ནས་ལོ་ ༡༣༠ ལྷག་གི་ལོ་རྒྱུས་ཅན་གྱི་ཨ་ཚོགས་དགོན་པ་དང་མཆོད་རྟེན་སྡེ་བ་སོགས་བཙན་དབང་གིས་གནས་སྤོ་རུ་བཅུག་ཡོད་པ་དང་། དགོན་པ་གཏོར་ཤུལ་གྱི་ས་གཞི་བཅས་པ་ཆུ་རགས་རྒྱག་པའི་རྐྱེན་གྱིས་ཆུའི་འོག་ཏུ་བསྣུབས་པ་བྱུང་ཡོད།།
གསར་འགོད་པ། སྟག་ལྷ་རྒྱལ།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བོད་ནང་གི་རྫ་སྟོད་རྫོང་གི་ས་འགུལ་ཁྲོད་མི་རྒྱུ་གཉིས་ལ་གནོད་སྐྱོན་བྱུང་མེད་སྐོར། བོད་ནང་གི་བོད་མིས་འགྲེལ་བརྗོད་གནང་གི་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག