སྐ་རགས་འཆིང་པ་དང་ཞགས་པ་རྒྱག་པ།

རྒྱ་ནག་དམར་ཤོག་ཚོགས་པ་དང་ཨཧྥ་རི་ཀའི་ཡུལ་གྲུ་ཏན་ཛེ་ཎི་ཡ། ཎ་མི་སྦི་ཡ། ཨང་གྷོ་ལ། ལྷོ་ཨཧྥ་རི་ཀ་དང་ཛིམ་སྦཝེ་བཅས་ལག་འབྲེལ་གྱིས་ཨཧྥ་རི་ཀའི་ཡུལ་གྲུ་ཁག་གི་འགོ་ཁྲིད་ཚོར་རྒྱ་ནག་གི་སྲིད་དབང་སྒེར་གཅོད་ཀྱི་དབང་ཆ་བཟུང་ཕྱོགས་དང་འབྲེལ་ནས་སྦྱོང་བརྡར་སྤྲོད་རྒྱུ་ཡིན་ཞིང་།  ཏན་ཛེ་ཎི་ཡའི་ནང་ཡོད་པའི་The Mwalimu Julius Nyerere འགོ་ཁྲིད་གསོ་སྐྱོང་སློབ་གཉེར་ཁང་དུ་དཔལ་འབྱོར་འཕེལ་རྒྱས་ཀྱི་ཐབས་བྱུས་དང་། གཞུང་འཛིན་སྲིད་དོན་ཚོགས་པས་གཞུང་གཉེར་ལྟེ་གནས་ཁང་ཁག་ལ་སྟངས་འཛིན་བྱེད་ཕྱོགས་ཀྱི་སྐོར་ལ་རྒྱ་ནག་དམར་ཤོག་ཚོགས་པས་བྱེད་ལུགས་ཀྱི་ཐབས་ལམ་ཐད་སློབ་གསོ་སྤྲོད་རྒྱུ་ཡིན་འདུག

ཨཧྥ་རི་ཀ་ཁྱོན་ཡོངས་ཀྱི་དཔལ་འབྱོར་གནས་སྟངས་ཐོག་རྒྱ་ནག་གི་ཤུགས་རྐྱེན་ནུས་པ་ཧ་ཅང་ཆེན་པོ་ཡོད་ལ། དམིགས་བསལ་སྦྱོར་བརྡར་སྤྲོད་ཡུལ་རྒྱལ་ཁབ་དྲུག་པོ་དང་རྒྱ་ནག་ནི་དེ་སྔོན་མི་སེར་སྤེལ་ཡུལ་ཡིན་པའི་དུས་སྐབས་ནས་འབྲེལ་བ་དམ་ཟབ་ཡོད་པ་ཞིག་རེད།

གསར་འགོད་པ། སྐལ་ལྡན་བློ་གྲོས།

རྩོམ་སྒྲིག་པ། སྐལ་ལྡན་བློ་གྲོས།

དྲྭ་ཐོག་སྤེལ་མཁན། པ་སངས་དོན་ལྡན།