གནས་སྤོར་རིམ་པ་དང་པོ་བདེ་འབྱོར་བྱུང་འདུག

རྒྱ་གར་ཨ་རུ་ནཱ་ཅལ་ཁུལ་གྱི་བོད་མི་ཆིག་སྟོང་ཁེ་ན་ཌར་གཞིས་སྤོ་བྱེད་རྒྱུའི་ལས་གཞིའི་ཁྲོད་ཀྱི་རིམ་པ་དང་པོའི་མི་གྲངས་༡༧ རེས་གཟའ་པ་སངས་ཉིན་ཁཱ་ན་ཊའི་གྲོང་ཁྱེར་Ottawaནང་བོད་མི་༡༠་དང༌། གཞན་བོད་མི་བདུན་གྲོང་ཁྱེར་Torontoདུ་བདེ་འབྱོར་ཡོད་པ་དང་། Ottawa Citizen ཞེས་པའི་གསར་ཤོག་གིས་

ཕྱི་ཚེས་༡ཉིན་སྤེལ་བའི་གནས་ཚུལ་ནང༌།  རྒྱ་གར་ནས་Ottawa འབྱོར་བའི་བསྟན་འཛིན་ཚང་དབྱངས་གིས་ད་བར་རྒྱལ་ཁབ་མེད་པའི་མི་ཞིག་ཁཱ་ན་ཊའི་མི་སེར་ཆགས་རྒྱུ་ཡིན་པར་དགའ་ཚོར་ཆེན་པོ་བྱུང་ཚུལ་བརྗོད་འདུག

འཆར་གཞི་ལྟར་ན།  ཁཱ་ན་ཊ་གཞུང་གིས་ཁས་ལེན་བྱས་བའི་གྲངས་འབོར་ལྟར། བོད་མི་༡༠༠༠ཡོངས་རྫོགས་ལོ་ལྔའི་ནང་ཁཱ་ན་ཊར་གནས་སྤོར་ཚར་བ་བྱ་རྒྱུ་ཡིན་པ་རེད།

གནས་སྤོར་ལ་འབྱོར་བའི་བོད་མི་དེ་ཚོ་རིམ་པས་སོ་སོའི་མགྲོན་བདག་ཁྱིམ་ཚང་གིས་བདག་པོ་བརྒྱབ་ནས་། ཕྱི་མི་གཞིས་ཆགས་གནས་སྤོས་ཐད་རོགས་རམ་གནང་མཁན་ཡེ་ཤུའི་ཆོས་ཚོགས་ཀྱིས་ཁོང་ཚོར་ལས་ཀ་འཚོལ་ཐབས་དང་འབྲེལ་བའི་རོགས་རམ་འགོ་འཛུགས་གནང་རྒྱུ་ཡིན་པ་རེད།

གསར་འགོད་པ་རིག་ལྡན་སྒྲོལ་མ།