ཨ་རིའི་རྒྱལ་ཡོངས་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༢༠ པ།

ཨ་རིའི་རྒྱལ་ཡོངས་བོད་རིགས་སྤྱི་མཐུན་ཚོགས་པའི་ཚོགས་ཆེན་ཐེངས་ ༢༠ པ་འདི་བཞིན་སྦོསིཊོན་ས་གནས་སུ་ཕྱི་ཟླ་ ༩ ཚེས་ ༢༤ དང་ ༢༥ བཅས་ཉིན་གཉིས་རིང་ཚོགས་སྟེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་ཕྱོགས་དང་འབྲེལ་བའི་གལ་གནད་ཆེ་བའི་གནད་དོན་འགའ་ཚུད་པའི། བོད་དོན་ཞུ་གཏུག་གནང་ཕྱོགས། བོད་པའི་མི་རབས་གཞོན་པ་ཚོར་བོད་ཀྱི་ཆོས་དང་རིག་གཞུང་། སྐད་ཡིག་བཅས་པ་རྒྱུན་འཛིན་སློབ་ཁྲིད་གནང་ཕྱོགས་བཅས་ཀྱི་ཐད་ལ་གྲོས་བསྡུར་གནང་འདུག་ཅིང་། མ་འོངས་ཚོགས་ཆེན་ཐེངས་ ༢༡ པ་འདི་ཁེ་ན་ཌར་ཚོགས་གཏན་འཁེལ་འདུག དེ་རིང་གི་གནད་དོན་གླེང་མོལ་གྱི་ལས་རིམ་ནང་། ཚོགས་འདུ་དང་འབྲེལ་བའི་ཐད་སྦོསིཊོན་བོད་རིགས་ཚོགས་པའི་ཚོགས་གཙོ་སྐལ་བཟང་ཕུན་ཚོགས་དང་། མི་ནི་སོ་ཊ་བོད་རིགས་ཚོགས་པའི་ཚོགས་གཙོ་ངག་དབང་སྒྲོལ་དཀར་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པ་འདི་གསན་རོགས་གནང་།།
གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་སྤེལ་མཁན། རྟ་མགྲིན་དབང་ཕྱུག