ཁེ་ལི་ཕོར་ནི་ཡར་༸ཞབས་སོར་འཁོད་པ།

༄༅༎ཕྱི་ཟླ་༤ཚེས་༡༧རེས་གཟའ་མིག་དམར་གྱི་ཉིན་སྤྱི་ནོིར་༸གོང་ས་༸སྐྱབས་མགོན་ཆེན་པོ་མཆོག་ཧ་ཝ་ཡི་ཁུལ་གྱི་མཛད་འཕྲིན་རྣམས་ཡོངས་སུ་ལེགས་གྲུབ་ཀྱིས་ཨ་རིའི་མངའ་སྡེ་ཁེ་ལི་ཕོར་ནི་ཡར་༸ཞབས་སོར་བདེ་བར་འཁོད་གནང་མཛད་འདུག
ཨ་རིའི་མངའ་སྡེ་ཁེ་ལི་ཕོར་ནི་ཡའི་གྲོང་ཁྱེར་སེན་ཌི་ཡེ་གོ་San Diego རུ་༸ཞབས་སོར་བདེ་བར་འཁོད་སྐབས་གྲོང་ཁྱེར་སྤྱི་ཁྱབ་པ་སྐུ་ཞབས་Jerry Sanders   དང་ དེ་བཞིན་ San  Diego མངའ་སྡེའི་གཙུག་ལག་སློབ་གྲ་དང་།ཁེ་ལེི་ཕོར་ནི་ཡའི་གཙུག་ལག་སློབ་གྲྭ་  San  Diego  གཙུག་ལག་སློབ་གྲ་བཅས་སློབ་གྲ་ཁག་གསུམ་གྱི་འབྲེལ་ཡོད་ལས་བྱེད་རྣམ་པ་དང་  ས་གནས་བོད་མི་བཅས་ཀྱིས་ ༸གོང་ས་མཆོག་ལ་ཕེབས་བསུ་གཟབ་རྒྱས་ཞུས་ཡོད་འདུག   ཕྱི་ཚེས་༡༨ཉིན་ཁེ་ལི་ཕོར་ནི་ཡའི་གཙུག་ལག་སློབ་གྲྭའི་རྩེད་རྭར་༸གོང་ས་མཆོག་གིས་  གོ་ལའི་གནམ་བཤིས་འགྱུར་བགྲོས་དང་བྱམས་བརྩེ། ཀུན་ཁྱབ་འགན་འཁུར།ཞེས་པའི་བརྗོད་གཞིའི་ཐོག་བགྲོ་གླེང་ལྷན་ཚོགས་སུ་བཀའ་སློབ་སྩལ་གནང་མཛད་རྒྱུ་དང་། ཡང་དེའི་ཉིན་རྒྱབ་ཏུ་San Diego   གཙུག་ལག་སློབ་གྲྭའི་  Jenny Craig  ཞེས་པའི་ཚོགས་རྭར་ཞི་བདེ་དང་དྲང་བདེན།ཞེས་པའི་བརྗོད་གཞིའི་ཐོག་མང་ཚོགས་པ་བཀའ་སློབ་སྩལ་གནང་མཛད་རྒྱུ་ཡིན་འདུག   ཕྱི་ཚེས་༡༩ཉིན་San Diego མངའ་སྡེའི་གཙུག་ལག་སློབ་གྲྭའི་རྩེད་རྭའི་ནང་འགྲོ་བ་ཀུན་ལ་ཁྱབ་པའི་བཟང་སྤྱོད་དང་བྱམས་བརྩེའི་ཉམས་ལེན།དུས་རབས་གསར་པའི་ནང་འཕྲད་བཞིན་པའི་དཀའ་ངལ་ལ་གདོང་ལེན་བྱེད་ཕྱོགས་ཞེས་པའི་བརྗོད་གཞིའི་ཐོག་བཀའ་སློབ་སྩལ་གནང་མཛད་རྒྱུ་ཡིན་ཞིང་།  དེ་དང་ཕྱོགས་འཚུངས་ཕྱི་ཚེས་༡༩ཉིན་༸གོང་ས་མཆོག་གིས་གཙུག་ལག་སློབ་གྲ་དེར་ཀླད་ཁམས་ཚན་རིག་དང་ནང་སེམས་ཀྱི་སྐོར། ཞེས་པའི་བརྗོད་གཞིའི་ཐོག་བགྲོ་གླེང་ལྷན་ཚོགས་སུ་མཉམ་ཞུགས་མཛད་རྒྱུ་ཡིན་འདུག    སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཁུལ་དེའི་བཞུགས་བཞག་གཉིས་རིང་གི་མཛད་འཕྲིན་རྣམས་ཏ་ལའི་བླ་མའི་མཛད་འཆར་གོ་སྒྲིག་ཚུགས་ཆུང་ཞེས་པའི་ཚོགས་པ་དེས་ གོ་སྒྲིག་ཞུས་པ་ཞིག་ཡིན་འདུག།།