༸གོང་ས་མཆོག་ལ་ཨེས་ཨེམ་ཡུའི་གཟེངས་རྟགས།

༄༅༎ཕྱི་ཟླ་ ༥ ཚེས་ ༩ ཉིན་ Southern Methodist མཐོ་རིམ་གཙུག་ལག་སློབ་གྲྭ་ཆེན་མོ་ནས་ བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་མཁས་པའི་ཆེ་བསྟོད་གཟེངས་རྟགས་ཞིག་ཕུལ་ཡོད་པ་རེད། Hart གོ་ལའི་འགོ་འཁྲིད་ཀྱི་གླེང་སྟེགས་ཀྱི་ལས་འཆར་ཞེས་པ་དེ་ SMU  མཐོ་རིམ་སློབ་གྲྭས་ཕྱི་ལོ་ ༡༩༩༩ ལོར་འགོ་བཙུགས་ཞུས་པ་ཞིག་ཡིན་པ་དང་། གླེང་སྟེགས་དེའི་ཚོགས་འདུའི་ཐོག་ད་བར་གསུང་བཤད་གནང་མཁན་གྱི་ཁོངས་སུ་ ཨ་རིའི་སྲིད་འཛིན་ཟུར་པ་ ཇེ་རལཌ་ཕྷོརཌ་དང་། སྲིད་འཛིན་ཟུར་པ་ George H.W. Bush ཕྱི་སྲིད་དྲུང་ཆེ་ཟུར་པ་ལྕམ་མེ་ཌ་ལིན་ཨལ་བྷརཡེཌ་དང་། ཨིན་ཇིའི་སྲིད་བློན་ཟུར་པ་ཊོ་ནི་བྷལེ་ཡར་སོགས་ཡོད་པ་རེད། མཐོ་རིམ་སློབ་གྲྭ་དེའི་འཕེལ་རྒྱས་དང་ཕྱི་འབྲེལ་སྡེ་ཚན་གྱི་གཙོ་འཛིན་གཞོན་པ་ Brad Cheves གྱིས་༧གོང་ས་༧སྐྱབས་མགོན་ཆེན་པོ་མཆོག་ལ་དགའ་བསུའི་གསུང་བཤད་གནང་སྐབས་ ༧གོང་ས་ཏཱ་ལའི་བླ་མ་མཆོག་འདི་གར་ཆིབས་བསྒྱུར་ཞབས་སོར་འཁོད་གནང་མཛད་པ་དེ་ནི་མཐོ་རིམ་སློབ་གྲྭ་འདིའི་ལོ་རྒྱུས་ཀྱི་ཟིན་ཐོར་འཁོད་པའི་རང་བཞིན་ཞིག་ཡིན་པ་གསུངས་འདུག།