ནང་བའི་དབུ་ཁྲིད་དགོངས་པ་རྫོཊ་པར་༧གོང་ས་མཆོག་གིས་ཐུཊ་གསོ།

བེག་ནམ་ནང་པའི་ཆེས་མཐོའི་དབུ་ཁྲིད་དགོངས་པ་རྫོགས་པར་༧གོང་ས་མཆོག་གིས་ཐུགས་གསོའི་གསུང་འཕྲིན་སྩལ་གནང་འདུག
དེ་ཡང་ད་ལོ་དགུང་གྲངས་༩༧ལ་ཕེབས་པ་བེག་ནམ་རྒྱལ་ཡོངས་ནང་པའི་ལྷན་ཚོགས་ཀྱི་ཆེས་མཐོའི་དབུ་ཁྲིད་སྐུ་ཞབས་Thich Tri Tinh མཆོག་ཕྱི་ཟླ་གསུམ་པའི་ཚེས་༢༩ཉིན་བེག་ནམ་གྱི་Ho Chi minh གྲོང་ཁྱེར་དུ་དགོངས་པ་རྫོགས་ཡོད་པ་དང་། ཕྱི་ཟླ་༤པའི་ཚེས་༡ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བེག་ནམ་རྒྱལ་ཡོངས་ནང་པའི་ལྷན་ཚོགས་བརྒྱུད་ཐུགས་གསོའི་གསུང་འཕྲིན་ཞིག་སྕལ་ཡོད་པའི་ནང་། ངོས་ཀྱིས་དབུ་བླ་དམ་པ་ཁོང་གི་ཆེད་སྨོན་ལམ་རྒྱག་རྒྱུ་དང་། བེག་ནམ་དང་དེ་བཞིན་ས་ཕྱོགས་གཞན་དུ་གནས་འཁོད་ཁོང་གི་དད་ལྡན་རྗེས་འབྲང་པ་རྣམས་ལ་སེམས་གསོ་དང་གདུང་སེམས་མཉམ་བསྐྱེད་ཞུ་རྒྱུ་ཡིན་ཞེས་བཀའ་སྩལ་བ་དང་འབྲེལ་བེག་ནམ་ནང་པའི་ཆེས་མཐོའི་བླ་ཆེན་དམ་པ་ཁོང་གིས་བེག་ནམ་ཡུལ་དུ་རྒྱལ་བའི་བསྟན་པ་འཛིན་སྐྱོང་སྤེལ་གསུམ་ལ་རླབས་ཆེན་གྱི་བྱས་རྗེས་འཇོག་གནང་མཛད་པ་དེ་དག་ཐུགས་ལ་དྲན་གསོ་མཛད་དེ་རྗེས་འཇུག་འདུལ་བྱ་རྣམས་ཀྱིས་བྱམས་བརྕེ་དང་། འཚེ་མེད་ཞི་བའི་ལམ་ནས་ལས་དོན་སྤེལ་ཐུབ་ཚེ་དམ་པ་ཁོང་གི་བཀའ་དྲིན་རྗེས་དྲན་གྱི་ལེགས་སྐྱེས་མཚོན་ཐུབ་རྒྱུ་ཡིན་པ་སོགས་འཁོད་གནང་མཛད་འདུག བེག་ནམ་ནང་པའི་ཆེས་མཐོའི་དབུ་ཁྲིད་བླ་ཆེན་Thich Tri Tinh དམ་པ་དེ་ཉིད་ཕྱི་ལོ་༡༩༡༧ལོར་བེག་ནམ་གྱི་མེ་ཀོང་Delta ཞིང་ཆེན་གྱི་Dong thap ཟེར་བའི་ས་གནས་ནང་སྐུ་འཁྲུངས་ཡོད་པ་དང་། ཁོང་གིས་བེག་ནམ་རྒྱལ་ཡོངས་ནང་པའི་ལྷན་ཚོགས་ཀྱི་དབུ་འཛིན་གྱི་ཐུགས་འགན་བཞེས་ནས་བེག་ནམ་ཡུལ་དུ་ནང་པའི་བསྟན་པ་འཛིན་སྐྱོང་སྤེལ་གསུམ་གྱི་བྱ་བཞག་ཐོག་མཛད་རྗེས་རླབས་ཆེན་བཞག་ཡོད་ཅིང་། དེར་གཟེངས་བསྟོད་ཆེད་བེག་ནམ་གཞུང་དང་། ཚོགས་པས་དམ་པ་ཁོང་ལ་མཆོག་ཏུ་གྱུར་བའི་མི་སྣའི་མཚན་སྙན་ཡང་ཕུལ་ཡོད་པ་རེད། སྐུ་ཞབས་Thich Tri Tinhདམ་པ་དེ་ཉིད་དགོངས་པ་རྫོགས་པར་བེག་ནམ་དམར་ཤོག་ཚོགས་པའི་དམག་དཔོན་དང་། སྲིད་བློན་སོགས་རྒྱལ་ཁབ་ཀྱི་དབུ་ཁྲིད་ཚོས་མྱ་ངན་གྱི་ཐུགས་གསོའི་མེ་ཏོག་ཡང་ཕུལ་ཡོད་འདུག
གསར་འགོད་པ་འཆི་མེད།