ພະມ້າປ່ອຍ ນັກໂທດການເມືອງ

ທ່ານ ໂຊ ທຸນ, ຜູ້ນໍາ ຂະບວນການນັກສຶກສາ ຮຸ່ນ 88, ກ່າວວ່າ ພວກນັກໂທດ ການເມືອງ 44 ຄົນ ຖືກປ່ອຍ ໃນມື້ວັນຈັນນີ້, ພ້ອມກັບ ໄດ້ຮຽກຮ້ອງ ໃຫ້ມີການປ່ອຍນັກໂທດການເມືອງທັງໝົດ ໃຫ້ເປັນອິສຣະ. ການໃຫ້ອະພັຍຍະໂທດ ດັ່ງກ່າວ ໄດ້ຮັບການຢືນຢັນ ຈາກສະມາຊິກ ອາວຸໂສ ຂອງ ພັກສັນນິບາດ ແຫ່ງຊາຕ ເພື່ອປະຊາທິປະໄຕ ຂອງຍານາງ ອັອງ ຊານ ຊູ ຈິ, ໃນຈໍານວນ ທີ່ຖືກປ່ອຍນັ້ນ, 4 ຄົນ ແມ່ນສະມາຊິກ ຂອງພັກ ສັນນິບາດ ແຫ່ງຊາຕ ເພື່ອປະຊາທິປະໄຕ.

ພະມ້າ ຖືກກົດດັນ ຢ່າງໜັກ ເພື່ອໃຫ້ປ່ອຍ ນັກໂທດການເມືອງ ທີ່ມີສຸຂພາບ ຊຸດໂຊມ ຢູ່ໃນຄຸກ, ຊຶ່ງປະຊາຄົມ ສາກົນ ໄດ້ຮຽກຮ້ອງ ໃຫ້ປ່ອຍຂະເຈົ້າເປັນອິສຣະ ເພື່ອແລກປ່ຽນກັ ສາຍສັມພັນ ທີ່ອົບອຸ່ນ. ເມື່ອວັນອາທິດ ພະມ້າ ເວົ້າວ່າ ຕົນຈະທົບທວນ ຄະດີ ນັກໂທດຕ່າງໆ ເພື່ອໃຫ້ໄດ້ ມາຕຖານ ສາກົນ ແລະ ໃຫ້ສະພາກາຊາດ ເຂົ້າໄປກວດກາ ຄຸກຂອງຕົນ.