ບໍ່ຄໍາເຊໂປນ ຜລິດທອງໄດ້ເພີ້ມຂື້ນ

ຕາມບົດ ລາຍງານ ຂອງ ບໍຣິສັດ ລ້ານຊ້າງ ມີເນໂຣ ຈໍາກັດ ລາຍງານ ວ່າ ໃນ ຫົກ ເດືອນ ທໍາອິດ ຂອງ ປີນີ້ ທາງ ໂຮງງານ ສາມາດ ຜລິດທອງ ແຜ່ນໄດ້ ເກືອບ 37,000 tons ແລະ ໃນຕຣອດ ປີນີ້ ຄາດວ່າ ຈະສາມາດ ຜລິດທອງແຜ່ນ ໄດ້ ລະຫ່ວາງ 75,000 – 80,000 ໂຕນ, ລາຍງານ ໄດ້ຣະບຸ ອີກວ່າ ການ ຜລິດຄໍາ ໃນບໍ່ ເຊໂປນ ໃນລະຍະ ຫົກເດືອນ ທໍາອິດ ຂອງ ປີນີ້ ໄດ້ທັງໝົດ 40,000 ອອນ ແລະ ໃນທ້າຍ ປີນີ້ ຄາດວ່າ ຈະຜລິດຄໍາ ໄດ້ ລະຫ່ວາງ 70,000-75,000 ອອນ.

ຣາຄາຄໍາ ໃນທ້ອງ ຕລາດ ສະຫະຣັດ ໃນວັນສຸກ ຜ່ານມາ ນີ້ ນື່ງອອນ ຕໍ່ $1,749 ກ່ວາໆ, ແລະ ຢູ່ຕລາດ ຮົງກົງ ບາງລະຍະ ຣາຄາ ຂື້ນຮອດ $1,804 ຕໍ່ນື່ງ ອອນ, ສ່ວນ ທອງ ໃນຕລາດ ປະເທດ ອັງກິດ ປະມານ $8,865 ຕໍ່ນື່ງ ໂຕນ. ທອງທີ່ ຜລິດຢູ່ໃນ ລາວ ສ່ວນຫລາຍ ສົ່ງໄປຂາຍ ປະເທດຈີນ.

ໃນປີ 2010 ຜ່ານມາ ລາຍງານ ວ່າ ບໍຣິສັດ ດັ່ງກ່າວ ມີລາຍໄດ້ ຈາກການ ຂາຍຄໍາ, ທອງ, ແລະເງິນ ທັງໝົດ $595.6 ລ້ານ. ທາງ ບໍຣິສັດ ໄດ້ມອບເງິນ ໃຫ້ ຣັຖບານ ລາວ ທັງໝົດ $144.8 ລ້ານ ໂດລາ ສະຫະຣັດ. ໃນນັ້ນ ມີທັງ ລາຍໄດ້ ໂດຍກົງ ລາຍໄດ້ ຈາກ ຫຸ້ນສ່ວນ 10% ລາຍໄດ້ ພາສີ ຫລວງ ກັບເງິນ ລາຍໄດ້ ທາງອອ້ມ.