ເມືອງທ່ອງທ່ຽວວັງວຽງ ແລະຢາເສພຕິດ

ໃນແຕ່ກ່ອນ ເຂົາລັກ ຊື້ຂາຍກັນ ຢູ່ໃນ ສະຖານທີ່ ບັນເທິງຕ່າງໆ ແຕ່ດຽວນີ້ ເຂົາລັກຂາຍ ຢູ່ທາງນອກ ຊື່ງຫລາຍຄົນ ກໍບໍ່ຮູ້ຈັກ ແນ່ນອນ ຕາມທີ່ ນັກທ່ອງທ່ຽວ ຊາວລາວ ຄົນນື່ງໄດ້ເວົ້າ ສູ່ນັກຂ່າວ ຟັງວ່າ:

"ຢູ່ໃນໂຕເມືອງ ມີຫລາຍທີ່ສຸດ ຈໍາພວກ ສິ່ງຂອງບໍ່ດີ ມີຫລາຍ ຈໍາພວກ ປະເພດແນວນີ້ ແຕ່ວ່າ ຜູ້ບໍ່ຮູ້ ອີຫລີ ກໍບໍ່ຮູ້ ພວກທີ່ເຂົາເຈົ້າ ຂາຍເຫັດ ຂາຍອີ່ຫຍັງ ຫັ້ນນະ ຂາຍຊາ ຂາຍອີ່ຫຍັງ ມັນມີຫລາຍ ຢູ່ເທິງນີ້ນະ".

ນາງວ່າ ການປຸ້ນຈີ້ ທີ່ເກີດຂື້ນ ໃນເມືອງວັງວຽງ ສ່ວນຫລາຍ ແມ່ນພວກເດັກນ້ອຍ ຊາວຫນຸ່ມ ຕິດຢາເສພຕິດ. ເຂົ້າຈີ້ ເອົາເງິນຄົນ ຫລືລັກແງະງັດ ບ້ານເຮືອນ ເພື່ອລັກເອົາສິ່ງຂອງ ມີຄ່າໄປຂາຍ ເພື່ອຢາກໄດ້ ເງິນ ມາຊື້ ຢາເສພຕິດ ແຕ່ ບໍ່ເຫັນວ່າ ຕໍາຣວດເມືອງ ເຮັດຫຍັງຫລາຍ:

"ຕໍາຣວດ ວັງວຽງນີ້ ຖືເບົາເກີນໄປ ຖືເບົາເຣື້ອງ ຄວາມສງົບ ແຕ່ວ່າ ເຂົາອາດເຮັດແບບ ບໍ່ຮູ້ກໍມີ ໃນກໍຣະນີ ນີ້ກໍເປັນ ກໍຣະນີນື່ງ ພວກຕໍາຣວດ ເຂົາຈະບໍ່ໄປ ເພາະວ່າ ບໍມີໃຜ ແຈ້ງເຂົາ".

ນາງວ່າ ເມືອງວັງວຽງ ແຕ່ກ່ອນ ເປັນເມືອງ ສງົບຫລາຍ ແຕ່ຫລັງຈາກ ມີຄົນຕ່າງຊາດ ເຂົ້າໄປລົງທືນ ແລະເປີດ ສະຖານທີ່ ບັນເທິງ ຕາມແຄມນໍ້າຊອງ ຫລາຍຂື້ນ ຢາເສພຕິດ ກໍຫລັ່ງໄຫລ ເຂົ້າມາ ພ້ອມໆກັນ ເພື່ອຮັບໃຊ້ ນັກທ່ອງທ່ຽວ ຈາກຕ່າງປະເທດ ທີ່ມັກເສພ ເພື່ອຄວາມມ່ວນຊື່ນ ໃນຍາມມາ ທ່ອງທ່ຽວ ເປັນກຸ່ມ ເປັນໝູ່ ນັກທ່ອງທ່ຽວ ຕ່າງປະເທດ ຫລາຍຄົນ ເວົ້າວ່າ ເຂົາມາ ທ່ອງທ່ຽວ ເຂົາກໍຢາກ ມ່ວນຊື່ນ ຫລັງຈາກເຂົາ ກັບໄປບ້ານ ເຂົາແລ້ວ ເຂົາກໍບໍ່ ເສພຢາ ນີ້ອີກ.