ທັກສິນອາຈມີເຂດເສຖກິດ ສະເພາະຢູ່ລາວ

ກາຣທ່ອງທ່ຽວ ນະຄອນຫລວງ ວຽງຈັນ ຂອງທ່ານ ທັກສິນ ຊີນວັຕ ເປັນເວລາ 2 ມື້ ແຕ່ວັນທີ່ 12-13 ເມສາ ນີ້ນັ້ນ ຊຶ່ງນອກຈາກ ກາຣຮ່ວມເຮັດ ບຸນກິນທານ ໃນຣະຫວ່າງ ເທສກາລ ປີໃໝ່ ແລ້ວນັ້ນ ອາຈມີກາຣ ສົນທະນາ ທາງດ້ານ ທຸຣະກິຈ ກັບທາງກາຣລາວ ນຳກໍເປັນໄດ້.

ກາຣຮ່ວມພິທີ ທາງສາສນາ ຊຶ່ງນອກຈາກ ພິທີກາຣ ຕັກບາດຢາດ ນໍ້າຢູ່ວັດ ພຣະທາຕຫລວງ ແລ້ວນັ້ນ ທ່ານຍັງໄດ້ ໄປຮ່ວມ ໃນພິທີໄຫວ້ ເຈົ້າແມ່ສີເມືອງ ນໍາອີກ ຊຶ່ງເປັນວັດ ທີ່ສຳຄັນຕາມ ກາຣເຊື່ອຖື ຂອງຊາວ ລາວ ໃນນະຄອນຫລວງ ວຽງຈັນ ແລະ ນອກຈາກນັ້ນ ກໍອາຈເພື່ອ ຜົລປະໂຫຍຊນ໌ ດ້ານທຸຣະກິຈ ອື່ນໆນຳ ທາງກາຣ ສປປລາວ ກໍເປັນໄດ້ ແລະເ ຖີງແມ່ນວ່າ ບໍ່ມີ ກາຣປະກາສ ຢ່າງເປັນ ທາງກາຣ ກໍຕາມແຕ່ ທ່ານ ທັກສິນ ກໍຖືກຕ້ອນຮັບ ຈາກທາງກາຣລາວ ເປັນຢ່າງດີ ຕລອດມາ.

ຄາວທີ່ໄປທ່ຽວ ເມືອງ ມໍຣະດົກໂລກ ຫລວງພຣະບາງ ໃນເດືອນ ມົກຣາ ຜ່ານມາ ທ່ານ ທັກສິນ ກໍຖືກຕ້ອນຮັບ ຢ່າງອົບອຸ່ນ ຈາກຜູ້ນຳ ຣະດັບສູງ ຂອງ ທາງກາຣລາວ ເປັນຢ່າງດີ ເຊັ່ນດຽວກັບ ຄາວທີ່ທ່ານ ໄປທ່ຽວ ເມືອງປາກເຊ ແຂວງ ຈຳປາສັກ ໃນມື້ວັນທີ່ 13 ເມສາ ນີ້ ແລະ ກໍອາຈມີ ກາຣຫາຣືກັນ ເຣື່ອງເຂຕ ເສຖກິຈ ພິເສດ ໃນເຂຕ ເມືອງໂຂງເອງ ຕລອດຮອດ ໂຄງກາຣສ້າງ ຣະບົບ ທາງຣົຖໄຟ ຄວາສໄວສູງ ກໍເປັນໄດ້.