ບໍຣິສັດອະລູມີນຽມ ຈະເປີດຢູ່ລາວ

ທະນາຄານ ມິ່ງເຊັງ ຂອງຈີນ ໄດ້ຕອບ ຂໍ້ເສນີ ທາງດ້ານ ການເງີນ ໃນການ ບຸກເບີກ ແຮ່ທາດ ອະລຸມີນຽມ ໃນລາວ ຂອງ ບໍຣີສັດ ຂຸດຄົ້ນ ແຮ່ທາດ ຈີນ-ອອສເຕເຣັຽ ຫລື ຊາໂກ ວ່າ ທາງ ທະນາຄານ ມີຄວາມ ຕັ້ງໃຈ ໃນການ ອະນຸມັດ ງົບປະມານ ໃນໂຄງການ ທີ່ ບໍຣິສັດ ຊາໂກ ຕ້ອງການ.

ບໍຣິສັດ SARCO ສເນີ ການລົງທຶນ ໃນການ ຂຸດຄົ້ນ ແລະ ສ້າງໂຮງກັ່ນ ແຮ່ທາດ ອະລູມີນຽມ ໃນລາວ ປະມານ 600 ລ້ານ ໂດລາ ໂດຍໃຫ້ ການວ່າ ຈະສາມາດ ຜລິດແຮ່ທາດ ອະລຸມີນຽມ ໃນລາວ ໄດ້ 6 ແສນ ຕັນ ຕໍ່ປີ.

ບໍຣິສັດ ຊາໂກ ຈະເລີ້ມ ລົງມື ໃນການຜລີດ ແລະ ການກັ່ນ ແຮ່ທາດ ໃນລາວ ໃນທັນທີ ທີ່ໄດ້ຮັບ ງົບປະມານ ແລະ ຜົລຜລິດ ແຮ່ທາດ ອະລຸມີນຽມ ໃນລາວ ຈະເຮັດ ໃຫ້ຫຸ້ນ ຂອງ ບໍຣິສັດ ຊາໂກ ຖີບຕົວ ສຸງຂື້ນ.
ທະນາຄານ ຈີນ ເວົ້າວ່າ ການລົງທຶນ ໃນ ບໍຣິສັດ ຊາໂກ ໃນການ ຂຸດຄົ້ນ ແຮ່ທາດ ອະລຸມີນຽມ ໃນລາວ ຈະສ້າງ ຄວາມສຳຄັນ ໃຫ້ແກ່ ບໍຣິສັດ ຊາໂກ ແລະ ຕລາດອະລຸມີນຽມ ໃນຈີນ ຢ່າງໃຫຍ່ຫລວງ.

ແຮ່ທາດ ອະລຸມີນຽມ ທີ່ ບໍຣິສັດ ດ່ັງກ່າວ ຈະຂຸດຄົ້ນ ໃນລາວ ນັ້ນ ກໍ່ແມ່ນ ຢູ່ໃນເຂດ ພາກໃຕ້ ຂອງລາວ ໃນພື້ນທີ່ ແຂວງ ຈຳປາສັກ ເຊກອງ ແລະ ອັດຕະປື ຈອດກັນ ຫລື ທີ່ເອີ້ນກັນວ່າ ດົງ ບໍລະເວນ ຊື່ງເປັນບ່ອນ ປູກຝັງ ທີ່ ອຸດົມ ສົມບູນ ໃນລາວ.