ໂຄງການຟື້ນຟູ ຊີວະນາໆພັນ

ໂຄງການ ທີ່ຈະ ຟື້ນຟູ ຊີວະ ນາໆພັນ ເປັນ ໂຄງການ ຣະຍະຍາວ 3 ປີ ຈະໃຊ້ເງິນ ປະມານ ກວ່າ 2 ລ້ານ ໂດລາ ຈາກ ອົງການ ທີ່ບໍ່ຂື້ນ ກັບ ຣັຖບານ ຈາກ ປະເທດ ເຍັຽຣະມັນ ເພຶ່ອຊ່ວຍ ປ້ອງກັນ  ສະພາບ ແວດລ້ອມ ແລະ ວິຖີຊິວິດ ຂອງ ປະຊາຊົນ ໃນທ້ອງຖີ່ນ ຈາກການ ພັທນາຕ່າງໆ ແລະ ສະພາບ ອາກາດເສັຽ ໃນໂລກ. ງົບປະມານ ດັ່ງກ່າວ ຈະຮ່ວມ ພັທນາ ໂຄງການ ອະນຸຮັກ ຊິວະນາໆພັນ ທີ່ເຂົາໃຫຍ່ ນະຄອນ ຣາຊສີມມາ ປະເທດໄທ ນຳອີກ ນອກຈາກ ໂຄງການ ທົດລອງ ສອງແຫ່ງ ໃນ ສປປລາວ ແລ້ວ.

ໃນໂຄງການ ຈະມີການ ຝຶກອົບໂຮມ ເຈົ້າຫນ້າທີ່ ກ່ຽວຂ້ອງ, ການເກັບ ຂໍ້ມູນ ຂ່າວສານ ຄວາມຮູ້ ຄວາມຊໍານານ ໃນດ້ານນີ້ ກັບບັນດາ ປະເທດ ອະນຸ ພູມີພາກ ລຸ່ມ ແມ່ນ້ຳຂອງ. ທ່ານ ໄພທິບ ຫົວຫນ້າ ຫ້ອງການ ອົງການ ບໍ່ຂຶ້ນກັບ ຣັຖບານ ທີ່ ປະເທດໄທ ເວົ້າວ່າ ງົບປະມານ ນີ້ ແມ່ນເພຶ່ອ ທົດສອບ ສະພາບ ຄວາມເປັນຈິງ ໃນແຜນການ ອະນຸຮັກ ຊິວະນາໆພັນ ຊນິດຕ່າງໆ ທີ່ປະເທດໄທ ແລະ ຢູ່ລາວ ດ້ວຍການ ພັທນາ ຊັພຍາກອນ ມະນຸສ ດ້ານນີ້ ແລະ ການສ້າງຕັ້ງ ກົດຣະບຽບ ໃນການ ປະຕິບັດ ງານ ເພຶ່ອໃຫ້ ໂຄງການ ມີ ປະສິດທິພາບ.

ພຶ້ນທີ່ ຊິວະ ນາໆພັນ ທີິ່ຈະຖືກ ພັທນາ ແລະ ອະນຸລັກ ໃນລາວ ກໍແມ່ນ ເຂດນ້ຳຫາ ເມືອງສິງ ແຂວງ ຫລວງນ້ຳທາ ແລະ ເຂດ ທົ່ງພຽງ ທີ່ເຊໂປນ ແຂວງ ສວັນນະເຂດ ເພາະວ່າສັດ ຫລາຍຊນິດ ຈະ ສູນພັນ ໄປ ຍ້ອນການ ຂຸດແຮ່ທາດ.