ຊາວລາວມີອິສຣະ ໃນຂອບເຂດ

ກ່ຽວກັບເຣື່ອງນີ້ ຄັນລາວ ຜູ້ນຶ່ງ ເວົ້າວ່າ:

"ເປັນ ປະຊາທິປະໄຕ ແຕ່ວ່າເພິ່ນ ຈະໃຫ້ບໍ່ເຕັມ 100 ເພາະວ່າ ຈະວິຈານ ຜູ້ໃຫຍ່ບໍ່ໄດ້ ແຕ່ວ່າເຈົ້າ ກໍສາມາດເຮັດ ທຸກສິ່ງ ທຸກຢ່າງໄດ້ ເຈົ້າຢາກເຮັດຫຍັງ ກໍໄດ້ ບໍ່ມີບັນຫາ ເປັນໄປຕາມ ກົດໝາຍ ເມືອງລາວ ມີປະຊາທິປະໄຕ ແຕ່ກໍມີ ຂອບເຂດ ຂອງມັນ".

ເລົາເວົ້າຕໍ່ໄປວ່າ ທຸກມື້ນີ້ ການປົກຄອງ ໃນເມືອງລາວ ເປັນສິ່ງທີ່ຄົນ ທົ່ວໄປ ໃຫ້ຄວາມສົນໃຈ ວ່າ ຣັຖບານ ໃຫ້ ປະຊາທິປະໄຕ ແກ່ ປະຊາຊົນ ແມ່ນແທ້ ຫລືບໍ່? ຄວາມຈິງແລ້ວ ສປປລາວ ປົກຄອງ ແບບ ປະຊາທິປະໄຕ ແຕ່ເປັນໄປ ແບບມີຂອບເຂດ ຈໍາກັດ.

ຂະນະດຽວກັນ ກໍມີຄົນລາວ ອີກຜູ້ນຶ່ງ ເວົ້າວ່າ ເຖິງວ່າ ປະຊາທິປະໄຕ ໃນລາວ ຈະມີຂອບເຂດ ຈໍາກັດ ຂອງມັນ ແຕ່ການປົກຄອງ ທຸກມື້ນີ້ ກໍດີກວ່າ ແຕ່ກ່ອນ ເພາະວ່າ ທຸກມື້ນີ້ ປະຊາຊົນລາວ ມີສິດຫລາຍ ກວ່າເກົ່າ ແລະ ຊາຍ-ຍິງ ມີສິດ ເທົ່າທຽມກັນ ບໍ່ຄືແຕ່ກ່ອນ.

ເຖິງຢ່າງໃດ ກໍຕາມ ປະເທດ ທີ່ປົກຄອງ ດ້ວຍຣະບອບ ປະຊາທິປະໄຕ ນັ້ນ ປະຊາຊົນ ມີສິດເລືອກຕັ້ງ ຜູ້ນໍາ ຂອງຕົນເອງ ມີສິດເຊື່ອຖື ສາສນາ ຕາມຄວາມ ສມັກໃຈ ມີສິດ ສະແດງ ຄວາມຄິດຄວາມເຫັນ ແລະ ການພັທນາ ໂຄງການ ໃດນຶ່ງ ທີ່ເປັນປະໂຫຍດ ແກ່ສ່ວນຮວມ ປະຊາຊົນ ກໍມີສ່ວນຕັດສິນ ໃນເຣື່ອງຕ່າງໆ ເພື່ອຜົນປະໂຫຍດ ຂອງຊາດ.