ລາວແນະນໍາລົງທືນ ດ້ານທ່ອງທ່ຽວ

ທາງການລາວ ສະເໜີ ແລະ ອະນຸຍາດ ໃຫ້ນັກ ລົງທືນ ຈາກ ຕ່າງປະເທດ ເຂົ້າມາ ລົງທືນ ນັບແຕ່ສ້າງ ສະຖານທີ່ ທ່ອງທ່ຽວ ໄປຮອດ ທຸຣະກິດ ໂຮງແຮມ ຮ້ານອາຫານ ແລະອື່ນໆ. ເຈົ້າໜ້າທີ່ ຜແນກ ແຜນການ ແລະ ການລົງທືນ ເວົ້າວ່າ:

"ກະມີນັກ ທຸຣະກິດ ອາດໄປເວົ້າ ກ່ຽວກັບ ໂຮງແຮມ ແລະ ຮ້ານອາຫານ ຕ່າງໆນີ້ກໍ ອະນຸຍາດ ໃຫ້ນັກ ທຸຣະກິດ ຂອງຕ່າງ ປະເທດ ທີ່ມາລົງທືນ ຢູ່ລາວ ກໍອະນຸຍາດ ໃຫ້ປະມູນ ໄປລ້າງ ແລະ ຈັດສັນແຫລ່ງ ທ່ອງທ່ຽວ ຕ່າງໆ".

ນອກຈາກ ໃຫ້ ນັກລົງທືນ ເຂົ້າມາ ລົງທືນແລ້ວ ກົມວັທນະທັມ ແລະ ທ່ອງທ່ຽວ ວ່າໄດ້ຮັບເງິນ ງົບປະມານ ຈາກຣັຖບານ ຈໍານວນ 6 ຕື້ກີບ ເພື່ອໃຊ້ໃນ ການ ໂຄສະນາ ສົ່ງເສີມ ການທ່ອງທ່ຽວ ປັບປຸງ ສະຖານທີ່ ທ່ອງທ່ຽວ ບາງແຫ່ງ ຍ້ອນເຫັນວ່າ ຊາວຕ່າງປະເທດ ບໍ່ທັນມີ ຂໍ້ມູນ ການທ່ອງທ່ຽວ ໃນລາວ ຢ່າງກວ້າງຂວາງ.

ສະຖານທີ່ ທ່ອງທ່ຽວ ຫລາຍແຫ່ງ ໃນລາວ ບໍ່ທັນຖືກ ພັທນາ ເທົ່າທີ່ຄວນ ນັບແຕ່ ຖນົນຫົນທາງ ໄປຫາບ່ອນ ທ່ອງທ່ຽວ ແລະ ໂຄງຮ່າງ ພື້ນຖານ ກໍຍັງບໍ່ ສົມບູນແບບ ຊື່ງການສ້າງ ໂຄງຮ່າງ ພື້ນຖານ ແຫລ່ງ ທ່ອງທ່ຽວນີ້ ຕ້ອງອາໄສ ຕ່າງປະເທດ ເພາະເປັນການ ລົງທືນ ທີ່ສູງ.

ໃນທຸກໆແຂວງ ຂອງລາວ ມີບ່ອນ ທ່ອງທ່ຽວ ທີ່ເປັນໜ້າ ຈັບໃຈ ມີການທ່ອງທ່ຽວ ທັມມະຊາດ ທ່ອງທ່ຽວ ວັທນະທັມ ທ່ອງທ່ຽວ ໃນໂຕເມືອງ ໂດຍສະເພາະ ໃນປີ 2012 ນີ້ຈະມີ ກິຈກັມ ທີ່ສໍາຄັນ ຫລາຍຢ່າງ ຕຣອດປີ.