ເສຖກິຈເຕີບໃຫຍ່ ປະເທດຍັງດ້ອຍພັທນາ
2012.05.10
ກົດຟັງສຽງ
ລາຍງານ ຂອງທະນາຄານ ໂລກວ່າ ດຽວນີ້ ສປປລາວ ເປັນປະເທດ ທີ່ມີລາຍໄດ້ ພໍປານກາງ ຣະດັບຕໍ່າ.
ສປປລາວ ຢາກເຮັດໃຫ້ ປະເທດຫລຸດພົ້ນ ຈາກຖານະເປັນ ປະເທດທີ່ພັທນາ ໜ້ອຍທີ່ສຸດ ພາຍໃນປີ 2020 ແລະ ຈະມີຖານະ ຢູ່ໃນຈໍານວນ ປະເທດທີ່ມີ ລາຍໄດ້ ພໍປານກາງ. ສປປລາວ ມີຜົນຄືບໜ້າ ຫຼາຍທີ່ສຸດ ໃນການຫລຸດຜ່ອນ ຄວາມທຸກຍາກ ໃນລະຍະ 2 ທົສວັດ ມານີ້. ເຖິງແມ່ນວ່າ ມີຜົນຄືບໜ້າແຕ່ ສປປລາວ ຍັງເປັນປະເທດ ທີ່ທຸກຍາກທີ່ສຸດ ຢູ່ໃນ ພູມີພາກ. ເຂດທີ່ທຸກຍາກ ທີ່ສຸດແມ່ນ ເຂດສອກຫລີກ ຫ່າງໄກ.
ພູມີປະເທດ ແລະ ຄວາມຫ່າງໄກ ເປັນສິ່ງທ້າທາຍ ຕໍ່ການຫລຸດຜ່ອນ ຄວາມທຸກຍາກ ບັນຫາທ້າທາຍ ຕໍ່ໂຄງການ ຫລຸດຜ່ອນ ຄວາມທຸກຍາກ ຮວມທັງການ ເຂົ້າໄປເຖິງບ້ານ ໃນເຂດ ສອກຫລີກຫ່າງໄກ ເພື່ອແກ້ໄຂ ຄວາມຕ້ອງການ ດ້ານໂຄງຮ່າງ ພື້ນຖານ ເຊັ່ນຖນົນຫົນທາງ ໂຮງຮຽນ ສຸຂສາລາ ແລະ ຣະບົບນໍ້າ ສະອາດ.
ບັນຫາ ທ້າທາຍອື່ນໆ ຮ່ວມທັງ ຄຸນນະພາບ ໃນການຮັປກັນ ທາງດ້ານເທັກນິກ ປັບປຸງການ ປະຕິບັດງານ ແລະ ການສ້ອມແປງ ໂຄງການ ແລະ ການປັບປຸງ ພະນັກງານ ໂຄງການຫລຸດຜ່ອນ ຄວາມທຸກຍາກ ໃນທ້ອງຖິ່ນ.
ຊົນເຜົ່າກຸ່ມນ້ອຍ ຢູ່ໃນເຂດ ສອກຫລີກຫ່າງໄກ ສ່ວນຫລາຍເວົ້າ ພາສາລາວ ບໍ່ໄດ້ ອັນນີ້ ເປັນການເພີ້ມ ບັນຫາ ທ້າທາຍ ອີກຢ່າງນື່ງ.