ເຈົ້າໜ້າທີ່ລາວ ສະແດງຄວາມເປັນຫ່ວງ ນໍາເຍົາວະຊົນລາວ ເລື່ອງຢາເສບຕິດ ແລະ ການປະພຶດ
2008.02.07
ເຈົ້າໜ້າທີ່ລາວ ສະແດງຄວາມເປັນຫ່ວງ ນໍາເຍົາວະຊົນລາວ ເລື່ອງຢາເສບຕິດ ແລະ ການປະພຶດຕົວ ບໍ່ເໝາະສົມ ແຕ່ກໍເຊື່ອວ່າ ຈະແກ້ໃຂໄດ້.
ຖ່າມກາງສະພາບສັງຄົມ ມີຄວາມຈະເຣີນກ້າວໜ້າ ຢ່າງໄວວາ ແລະ ການແຜ່ກະຈາຍ ຂອງຂໍ້ມູນ ຊື່ສານ ທີ່ນັບມື້ນັບຂະຫຍາຍຕົວ ກໍ່ໃຫ້ເກີດການປ່ຽນແປງ ທາງວັດທະນະທໍາ ການດໍາຣົງຊີວິດ ແລະການປະພຶດຕົວ ທີ່ແຕກຕ່າງ ໄປຈາກສະໃໝກ່ອນ ຂອງເຍົາວະຊົນລາວ ຊຶ່ງເຈົ້າໜ້າທີ່ກ່ຽວຂ້ອງ ກໍມີຄວາມເປັນຫ່ວງ ນໍາບໍ່ໜ້ອຍ. ເຈົ້າໜ້າທີ່ ກະຊວງຖແຫລງຂ່າວ ແລະວັດທະນະທໍາ ໃນນະຄອນຫລວງວຽງຈັນ ໃຫ້ຄວາມຄິດເຫັນ ກ່ຽວກັບເລື່ອງນີ້ວ່າ:
(ສຽງ)" ຂ້ອນຂ້າງຈະຮັບ ວັດທະນະທໍາຕະເວນຕົກ ຫລາຍຂຶ້ນ ກໍປ່ຽນແປງ ຈາກເດີມມາກ ມີພຶຕິກໍາທີ່ຍາກ ລອງແລ້ວຂ້ອນຂ້າງ ທີ່ຈະກ້າວລ້າວຫລາຍຂຶ້ນ ຢາກໃຫ້ຮັກສາ ວັດທະນະທໍາເດີມ ຮູ້ຈັກເດັກຮູ້ຈັກຜູ້ໃຫຍ່ ແລ້ວ ມີຄວາມເປັນຜູ້ໃຫຍ່ ແລ້ວຮູ້ຈັກປະມານຕົນ."
ຊາວໜຸ່ມຍີງສາວຊາວລາວ ໂດຍສະເພາະ ໃນເຂດນະຄອນ ຫລວງວຽງຈັນ ທົ່ວໄປແລ້ວ ມີການປ່ຽນແປງ ຢ່າງເຫນໄດ້ຈະແຈ້ງ ເປັນຕົ້ນເລື່ອງການນຸ່ງຖື ການເຮີ່ນໍາດາຣານັກຮ້ອງ ຄືກັນກັບຢູ່ປ່ະເທດເພື່ອນບ້ານ ປະເທດຕາເວນຕົກ ນັ້ນສ່ວນນຶ່ງ ກໍເປັນເພາະການຮັບຂ່າວສານ ການບັນເທີງ ທີ່ໄຮ້ຂີດຈໍາກັດ ຈາກຣາຍການໂທຣະທັດຕ່າງໆ ຊຶ່ງເຮັດໃຫ້ໄວລຸ້ນ ຄິດວ່າ ເປັນຄວາມທັນຍຸກ ທັນສະໃໝ.
ໃນສະພາບດັ່ງກ່າວ ມີການກັງວົນກັນວ່າ ການຮັບຄ່ານິຍົມນັ້ນ ເປັນສາເຫດນຶ່ງ ທີ່ເຮັດໃຫ້ ເຍົາວະຊົນລາວ ຈໍານວນນຶ່ງ ເຂົ້າສູ່ຂະບວນການ ຄ້າປະເວນີ ການລັກຂະໂມຍ ເພື່ອທີ່ຈະໄດ້ເງີນ ໄປຊື້ຢາເສບຕິດ ແລະອື່ນໆທີ່ຕ້ອງການ. ເຈົ້າໜ້າທີ່ລາວທ່ານນີ້ ຍັງກ່າວຕື່ມເຖີງ ເຍົວວະຊົນລາວ ທີ່ມີກິຣິຍາມາຣະຍາດ ທີ່ກ້າວລ້າວ ຊຶ່ງຂັດກັບສັງຄົມ ອັນສະງົບຮຽບຮ້ອຍ ແບບລາວໆ ນັ້ນວ່າ:
(ສຽງ)" ບັນຫາ ກໍມີແຕ່ເດັກທ່ຽວກາງຄືນ ຕິດຢາແຕ່ກໍຢູ່ໃນພາວະ ຄວບຄຸມໄດ້."
ປັດຈຸບັນ ເມືອງວຽງຈັນ ໄດ້ປ່ຽນໄປສູ່ ໂສມໜ້າໃໝ່ ວັດທະນະທໍາ ປະເທດເພື່ອນບ້ານ ປະເທດຕາເວນຕົກ ແມ່ນເຂົ້າມາຢ່າງໄວວາ ແລະເຖີງແມ່ນວ່າ ຜູ້ນໍາທາງການລາວ ຈະເຄີຍໄດ້ປະກາດ ຕອນທີ່ເຂົ້າກໍາອໍານາດ ໃໝ່ໆວ່າ ສັງຄົມລາວ ຈະຕ້ອງເປັນສັງຄົມ ທີ່ລຽບງ່າຍ ບໍ່ເຮີ່-ບໍ່ລຽນ ແບບທາງຕາເວນຕົກ ແຕ່ປາກົດວ່າ ກີ່ນອາຍວັດທະນະທໍາ ຕາເວນຕົກ ຈະຍັບຍັ້ງໄດ້ຍາກ.
ມະນີຈັນ ຣາຍງານ
ອ່ານຂ່າວເພີ້ມເຕີມ
- ການກະຕຽມ ການກໍ່ສ້າງ ຂົວຂ້າມແມ່ນ້ຳຂອງ ມິຕະພາບ ລາວ-ໄທ ແຫ່ງທີ່ 4 ມີຄວາມຄືບໜ້າ
- ການຕໍ່ຕ້ານ ການຄ້າປະເວນີ ເປັນປັດໃຈນຶ່ງທີ່ສໍາຄັນ ໃນການຈໍາກັດ ລຸດຜ່ອນ ການຄ້າມະນຸດ ໃນ ປະເທດຕ່າງໆ ຮວມທັງ ຢູ່ໃນປະເທດລາວ ນໍາດ້ວຍ
- ເມືອງມໍຣະດົກໂລກ ຫລວງພຣະບາງ ໄດ້ຮັບຣາງວັນ ຍ້ອງຍໍຈາກວາຣະສາຣ ກາຣທ່ອງທ່ຽວ ຂອງອັງກິດ 3 ປີຕໍ່ໆກັນ
- ເຈົ້າໜ້າທີ່ຕຳຣວຈ ກວດຄົນເຂົ້າເມືອງ ທີ່ດ່ານຊຽງຂອງ ແຂວງຊຽງຮາຍ ບໍ່ຄ່ອຍ ຈະອຳນວຍຄວາມສະດວກ ໃຫ້ແກ່ນັກທ່ອງທ່ຽວ ຊາວຕ່າງປະເທດ ດີເທົ່າທີ່ຄວນ
- ຊາວມົ້ງ ສອງຄົນ ໃນຈຳນວນ 7 ຄົນ ທີ່ໂຕນໜີ ອອກຈາກອອກຈາກ ຫ້ອງກັກຂັງ ດ່ານກວດຄົນ ເຂົ້າເມືອງ ແຂວງໜອງຄາຍ ຖືກຈັບໄດ້ ຄືນ
- ທາງກາຣລາວ ມີກາຣປັກຫລັກ ໝາຍເອົາເຂຕ ສຳຫລັບ ກາຣກໍ່ສ້າງ ສນາມບິນ ແຫ່ງຊາຕຢູ່ບ່ອນໃໝ່ ໃນເຂຕ ນະຄອນຫລວງວຽງຈັນ
- ທາງກາຣແຂວງເຊກອງ ສນັບສນູນວຽດນາມ ໃນໂຄງກາຣສ້າງເຂື່ອນ ເຊກອງ 4
- ກອງທຶນແມ່ແລະເດັກ ຮ່ວມມືກັບຣັຖບານລາວ ເພື່ອຍັບຢັ້ງ ແລະກຳຈັດ ການຣະບາດ ໂຣຄຖອກທ້ອງ ໃນ ເຂດພາກໄຕ້ ຂອງລາວ
- ແຂວງຜົ້ງສາລີ ອຳນວຍຄວາມສດວກ ໃຫ້ແກ່ນັກລົງທຶນ ທາງດ້ານ ການກະເສດ
- 68% ຂອງຈຳນວນ ຄົວເຮືອນ ປະມານ 100,000 ຄົວເຮືອນ ໃນ ແຂວງຈຳປາສັກ ມີໄຟຟ້າໄຊ້ແລ້ວ