ຕລາດສົດ ທີ່ແຂວງສັວນນະເຂດ ມີຄວາມສົກກະປົກ ເປື້ອນເປີະ ເປັນພິເສດ ຕຣອດຮອດ ມີມົນລະພິດປະປົນ ເພາະຂາດ ການວາງແຜນ ໃນການກໍສ້າງ ທີ່ຣັຖຄວບ ຄຸມມາແຕ່ຕົ້ນ

ຕລາດສົດ ທີ່ແຂວງສັວນນະເຂດ ມີຄວາມສົກກະປົກ ເປື້ອນເປີະ ເປັນພິເສດ ຕຣອດຮອດ ມີມົນລະພິດປະປົນ ເພາະຂາດການວາງແຜນໃນການກໍສ້າງທີ່ຣັຖຄວບຄຸມມາແຕ່ຕົ້ນແລະກໍ່ຂາດຮ່ອງທີ່ຈະລະບາຍນ້ຳເສັຽ. ດັ່ງທ່ານ ຫນູຄຳ ອຸພະໃຊ ຫົວຫນ້າຫ້ອງການ ສພາບແວດລ້ອມ ປະຈຳແຂວງ ສວັນະເຂດກ່າວກ່ຽວກັບເຮື້ອງນີ້ ໃນຕອນນື່ງວ່າ:

(ສຽງ) "ທຸກຕລາດຢາກເວົ້າວ່າ ຕ້ອງມີຈຸດທີ່ພວກເຮົາ ໄດ້ເນັ້ນຫນັກເອົາໃຈໃສ່ ຢູ່ແຖວຕລາດບໍມີຄອງນ້ຳ ເພີ່ນເຮັ້ດຕລາດ ອະນຸຍາດໃຫ້ເຮັ້ດຂື້ນ ໂດຍບໍ່ໄດ້ມີການວາງແຜນ ກ່ຽວກັບການເອົາ ຕະຄອງຮອ່ງນ້ຳໄປໃສ່ ສ້າງມາໃຫມ່ທຳອີດ ອາດຈະບໍ່ມີຫລາຍຄົນ ທຸກມື້ນີ້ມັນໃຫຍ່ຂື້ນ 5-6 ປີມານີ້ ນ້ຳເປື້ອນກໍ່ເຕັມຢູ່ ."

ທ່ານກ່າວເພີ້ມອີກວ່າ ທາງການແຂວງ ກໍ່ໃຫ້ຄວາມສຳຄັນ ໃນເຮື້ອງການດູແລ ສພາບແວດລ້ອມ ແລະສຸຂອານາມັຍ ຂອງຊຸມຊົນ ມາຢູ່ຕຣອດ ເພາະ ຖືວ່າເປັນການຂຍາຍຕົວ ຂອງເສຖາກິດ ຊຸມຊົນ ແລະນັກທ່ອງທ່ຽວ ໃນຂົງເຂດແຫ່ງນີ້ ແລະຕລາດກໍ່ຖືວ່າ ເປັນຈຸດສູນກາງ ຂອງການແລກປ່ຽນສີນຄ້າ ແຕ່ໃນປັດຈຸບັນນີ້ ກໍ່ປະສົບກັບບັນຫາດັ່ງກ່າວ ເນືອ່ງຈາກວ່າ ບໍ່ເຄີຍມີການວາງແຜນມາແຕ່ຕົ້ນ ໃນການສ້າງຕລາດແຫ່ງນີ້ ຫ້ອງການ ຂອງທ່ານກໍ່ພຍາຍາມ ທີ່ຈະແກ້ໃຂບັນຫາດ່ັງກ່າວ ແຕ່ຂາດງົປະມານ ທ່ານກ່າວເພີ້ມອີກວ່າ:

(ສຽງ) "ພວກເຮົ້າກໍ່ລົງໄປເຫັນ ແຕ່ວ່າເຫັນມັນບໍ່ດີ ເຮົາກໍ່ປືກສາຫາລືລົມກັນວ່າ ຈະຄິດແນວໃດຈະແກ້ໃຂແນວໃດ ສຳລັບຢູ່ຕລາດໃຫຍ່ໆແທ້ ອັນນີ້ຕອ້ງມີຫນ່ວຍ ສພາບເຂົາ ເຮັ້ດໂດຍຕົງທັງເປີດໂຂ່ງ ແມ່ນກຸ່ມຊຸມຊົນ ເປັນຜູ້ເຮັດເອງ ປາກົດວ່າດີຂື້ນ."

ຕລາດ ເປັນຈຸດສຳຄັນ ໃນການພທັນາແລະຂຍາຍເສຖາກິດໃນຂົງເຂດ ໃນການເຊືອ່ມຕໍ່ ການພທັນາເສຖາກີດກັບປະເທດເພືອ່ນບ້ານ ແລະແຂວງສວັນນະເຂດ ກໍ່ເປັນແຂວງນື່ງ ທີ່ຕົກຢູ່ໃນແຜນການພັທນາ ເສຖາກິດ ຕາເວັນອອກ ຕາເວັນຕົກ ຂອງປະເທດລຸ່ມແມ່ນ້ຳ ທີ່ມີຂົວມີຕພາບແລະເສັ້ນທາງເລກ 9 ຜ່ານ ຖ້າຕລາດຂາດຄຸນນະພາບ ຈະສົ່ງຜລົສະທ້ອນ ຕໍ່ການລົງທືນໃນແຂວງ ກໍ່ເປັນໄດ້.

ສິດນີ້ ຣາຍງານ