ຊາວລາວ ຕົກເປັນເຫຍື່ອ ຄ້າມະນຸດ ໃນໄທ
ມີຊາວລາວ ຈຳນວນບໍ່ໜ້ອຍ ຕົກເປັນເຫຍື່ອ ການຄ້າມະນຸດ ໃນປະເທດໄທ
-
ມະນີຈັນ
2009-03-18 -
-
-
Your browser doesn’t support HTML5 audio
ການຈັດ ສັມນາເຊິງ ປະຕິບັດການ ເພື່ອຕໍ່ຕ້ານ ການຄ້າມະນຸດ ສຳລັບ ພນັກງານ ໄອຍະການ ລາວ-ໄທ ເພື່ອໃຫ້ນ່ວຍງານ ໄອຍະການ ທ້ອງຖີ່ນ ລາວ-ໄທ ທີ່ມີເຂດຊາຍແດນ ຕິດຕໍ່ກັນນັ້ນ ໄດ້ແລກປ່ຽນ ປສົປການ ການຄ້າມະນຸດ ຊື່ງເປັນບັນຫາ ທີ່ສຳຄັນ ໃນລາວ ຂະນະນີ້. ເຈົ້າໜ້າທີ່ ຈາກອົງການ ໄອຍະການ ປະຊາຊົນ ສູງສຸດ ສປປລາວ ໃນນະຄອນ ຫລວງວຽງຈັນ ເຜີຍກ່ຽວກັບ ເລື້ອງນີ້ວ່າ
ບັນຫາທີ່ເກີດຂື້ນ ແມ່ນມີພົລເມືອງ ໂດຍສເພາະ ພົລເມືອງລາວ ໄປຖືກເປັນເຫຍື່ອ ຂອງການຄ້າມະນຸດ ທີ່ປະເທດໄທ ຢາກໃຫ້ ພນັກງານຈຳແນກ ໄດ້ອັນໃດ ແມ່ນການ ຄ້າມະນຸດ ຖ້າຫາກວ່າ ເປັນເຫຍື່ອ ຂອງການຄ້າ ມະນຸດ ກໍຕ້ອງໃຫ້ ການຊ່ວຍເຫລືອ ຢ່າງທັນການ.
ຕາມຄຳເວົ້າ ຂອງເຈົ້າ ໜ້າທີ່ລາວ ລາວຢາກຈະໃຫ້ ມີການຈຳແນກ ເລື້ອງທີ່ວ່າ ພົລເມືອງລາວ ທີ່ເຂົ້າເມືອງໄທ ແບບຜິດກົດໝາຍ ແຕ່ຕົກເປັນ ເຫຍື່ອການຄ້າ ມະນຸດ ຢາກໃຫ້ມີການ ກວດສອບ ໃຫ້ລະອຽດ ແລະຈະແຈ້ງ. ຖ້າຫາກວ່າ ເປັນເຫຍື່ອ ການຄ້າມະນຸດ ພົລເມືອງລາວ ຜູ້ນັ້ນຈະບໍ່ຖືກ ດຳເນີນຄດີ ໃນຂໍ້ຫາເຂົ້າເມືອງ ຜິດກົດໝາຍ. ທີ່ຜ່ານມາ ຄະດີ ການຄ້າມະນຸດ ຂອງພົລເມືອງລາວ ທີ່ເກີດຂື້ນ ໃນໄທນັ້ນ ຍັງບໍ່ມີຫລັກຖານ ຊັດເຈນພໍທີ່ ຈະເອົາເລື້ອງ ກັບຜູ້ກະທຳ ຜິດໄດ້ຊື່ງຈາກການສັມນາໃນ ຄັ້ງນີ້ທ່ານກໍ ມີຄວາມຄາດຫວັງ:
ຄວາມຄາດຫວັງ ກໍຄື ເຮັດໃຫ້ ການຮ່ວມມື ຂອງ 2ປະເທດ ໃນການຕ້ານການ ຄ້າມະນຸດ ດີຂື້ນ ມັນຕ້ອງເຮັດຕາມ ໜ້າທີ່ຂອງ ໃຜມັນ ຕາມເງື່ອນ ໃຂຂອງແຕ່ລະ ປະເທດ ເຮົາຈະໃຫ້ເຂົ້າໃຈ ລົງເລິກແລະໃຫ້ ຄວາມພະຍາຍາມ ຊ່ວຍເຫລືອ ກັນ ໃນດ້ານດັ່ງກ່າວ.
ການສັມນາ ຄັ້ງນີ້ ເພື່ອຄວາມເຂົ້າໃຈ ຣະຫວ່າງ ອົງການໄອຍະການ ປະຊາຊົນ ສູງສຸດຂອງລາວ ກັບສຳນັກງານ ໄອຍະການ ສູງສຸດຂອງໄທ ທີ່ຈະສົ່ງເສີມ ໃຫ້ໜ່ວຍງານ ໄອຍະການ ໃນຣະດັບ ທ້ອງຖິ່ນ ທີ່ມີເຂດ ຕິດຕໍ່ກັນນັ້ນ ສ້າງຄວາມສຳພັນ ກັນຍິ່ງຂື້ນ ຮວມທັງ ແລກປ່ຽນ ປະສົປການ ການເຮັດວຽກ ໄກ່ເກັ່ຽຣະງັບຂໍ້ພິພາດ ແລະໃຫ້ການ ຊ່ວຍເຫລືອ ທາງກົດໝາຍ ແກ່ບຸກຄົນ ທີ່ເປັນເຫຍື່ອ ການຄ້າມນຸດ.