ໂຣຄໄຂ້ຫວັດໃຫຍ່ ສາຍພັນໃໝ່ ຊນິດ AH1N1

ໂຣຄໄຂ້ຫວັດໃຫຍ່ ສາຍພັນໃໝ່ 2009 ຊນິດ AH1N1 ທີ່ຖືກພົບເຫັນ ແພ່ຣະບາຕ ຢູ່ປະເທສ Mexico ໃນທ້າຍເດືອນ ເມສາ ແລ້ວຕິດຕໍ່ໄປ ຮອດສະຫະຣັຖ ຄານາດາ ກ່ອນທີ່ຈະແພ່ ຂຍາຍອອກໄປ ໃນເຂຕ ທະວີບອື່ນໆ ແລະເຮັດໃຫ້ມີ ຜູ້ຄົນ ເສັຽຊີວີຕ ໄປເຖີງ 144 ຄົນໃນຈຳນວນ ຜູ້ຄົນປ່ວຍ ຕິດເຊື້ອໄວຣັສ ທັງໝົດເກືອບ 29,000ຄົນ ໃນບໍ່ຕໍ່າກວ່າ 74 ປະເທສ ໃນທົ່ວໂລກ ປັຈຈຸບັນນີ້ ເຮັດໃຫ້ທາງ ອົງກາຣອະນາມັຍ ໂລກຫລື WHO ໄດ້ປະກາສ ຢ່າງເປັນທາງກາຣ ໃນມື້ ວັນພຣະຫັດ ຜ່ານມາວ່າ: “ເປັນໂຣຄຣະບາດ” ທີ່ເກີດຂື້ນ ໃນທົ່ວໂລກ ເປັນເທື່ອທຳອິດ ໃນຣະຍະ 41 ປີຜ່ານມາ.
ຫວາດ ສີມູນ
2009.06.15
N90612WS
ສຽງບັນທຶກໄວ້ ດາວໂລ້ດ

ກາຣປະກາສຢ່າງ ເປັນທາງກາຣ ວ່າເປັນເຊື້ອ ພຍາທ ທີ່ແພ່ຣະບາດ ໃນທົ່ວໂລກ ດັ່ງກ່າວ ກໍເພື່ອເປັນກາຣ ເຕືອນໃຫ້ທາງກາຣ ກ່ຽວຂ້ອງໃນແຕ່ ລະປະເທສ ເພີ່ມ ຄວາມເອົາໃຈໃສ່ ໃນກາຣ ເຝົ້າຣະວັງ ພ້ອມກັບໃຫ້ມີ ກາຣເຣັ່ງດ້ານ ງົບປະມານ ສຳຫລັບກາຣຜລິຕ ຢາປາບປາມ ແລະປ້ອງກັນໃຫ້ ໄດ້ທ່ວງທັນກັບ ເຫຕກາຣດັ່ງ: Dr. Margaret Chan ຫົວໜ້າອົງກາຣ ອະນາມັຍໂລກ ໄດ້ກ່າວໃນ ຕອນໜື່ງວ່າ:

"ຍານາງວ່າ: “ເຊື້ອໂຣຄສາຍພັນ ໃໝ່ທີ່ກຳລັງ ແພ່ຣະບາດ ໃນປັຈຈຸບັນ ນີ້ນັ້ນ ແມ່ນເກີດຂື້ນ ພາຍໃຕ້ຄວາມ ເອົາໃຈໃສ່ຂອງ ທາງເຈົ້າໜ້າທີ່ໆ ພຍາຍາມ ປ້ອງກັນ ແລະ ປາບປາມ ແບບທີ່ບໍ່ເຄີຽ ມີມາກ່ອນ ຍ້ອນທາງກາຣ ໄດ້ພົບເຫັນແຕ່ ຂັ້ນຕົ້ນທຳອີດ ທີ່ເກີດຂື້ນ ແລະໄດ້ຕິດຕາມ ຫາວິທີທາງ ຄວບຄຸມ ແລະປາບປາມ ຢ່າງໃກ້ ຊິດຕລອດມາ”

ທາງເຈົ້າໜ້າທີ່ ອົງກາຣ ອະນາມັຍໂລກ ໄດ້ແຈ້ງເພີ່ມວ່າ: ເຖີງເຊື້ອໂຣຄ ໄຂ້ຫວັດໃຫຍ່ ສາຍພັນໃໝ່ ດັ່ງກ່າວໄດ້ ແພ່ຣະບາດຢ່າງ ວ່ອງໄວ ໃນຫລາຍປະເທສ ດັ່ງ ກ່າວນີ້ ແລ້ວກໍຕາມ ແຕ່ກໍໝັ້ນໃຈ ວ່າຍັງຈະ ສາມາດຄວບຄຸມ ໄດ້ໂດຽສະເພາະ ທີ່ມີຜູ້ເສັຽ ຊີວີຕໃນທົ່ວ ໂລກເທົ່າ ປັຈຈຸບັນເຖີງ 144 ຄົນເທົ່ານັ້ນ ທຽບໃສ່ຈຳນວນ ຜູ້ເສັຽຊີວີຕ ຈາກເຊື້ອໂຣຄ ໄຂ້ຫວັດໃຫຍ່ ທັມມະດາ ໃນທົ່ວໂລກ ທີ່ມີຈຳນວນ ຫລາຍເຖີງ 500,000ຄົນ ໃນແຕ່ລະປີ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.