ຊາວເກົາຫລີ 3 ຄົນ ຖືກຕໍາຣວດໄທຈັບ
ຊາວເກົາຫລີ 3 ຄົນ ທີ່ເດີນທາງຈາກ ປະເທດຈີນ ຜ່ານລາວ ຖືກເຈົ້າໜ້າທີ່ ຕໍາຣວດໄທຈັບ.
-
ສົມເນ
2009-12-10 -
-
-
Your browser doesn’t support HTML5 audio
ມີຊາວເກົາຫລີເໜືອສາມຄົນ ຂ້າມຈາກແຂວງບໍ່ແກ້ວ ຂອງລາວ ໄປຍັງແຂວງຊຽງຣາຍ ຂອງໄທ ໄດ້ຖືກເຈົ້າໜ້າທີ່ ຕໍາຣວດໄທຈັບ ໃນວັນທີ 9 ທັນວາ ນີ້ ໃນຂນະທີ່ນັ່ງ ຣົຖໂດຍສານສາຍ ເມືອງຊຽງຂອງ ໄປຍັງເມືອງຊຽງຣາຍ ຊາວເກົາຫລີເໜືອ ຈໍານວນດັ່ງກ່າວ ຊຶ່ງມີຜູ້ຍິງ 2 ຄົນ ແລະຜູ້ຊາຍ 1 ຄົນ ອາຍຸປະມານ 26-45 ປີ ລັກລອບເຂົ້າເມືອງ ໂດຍບໍ່ມີໜັງສືເດີນທາງ.
ຕາມລາຍງານຈາກ ແຂວງຊຽງຣາຍ ລາຍງານວ່າ ໂດຍການອ້າງອິງ ຕາມຄໍາເວົ້າຂອງ ເຈົ້າໜ້າທີ່ຕໍາຣວດວ່າ ຊາວເກົາຫລີຈໍານວນນີ້ ໂດຍສານທາງເຮືອ ຂົນສົ່ງສິນຄ້າ ໄປຈາກປະເທດຈີນ ມາລົງຢູ່ບ້ານມອມ ແລ້ວຂີ້ຣົຖໂດຍສານ ມາລົງຢູ່ບ້ານນໍ້າເກິງ ແຂວງບໍ່ແກ້ວຂອງລາວ ກ່ອນຈະນັ່ງເຮືອຫາງຍາວ ຂ້າມໄປຍັງ ເມືອງຊຽງຂອງ ແຂວງຊຽງຮາຍຂອງໄທ ຈຸດປະສົງຂອງເຂົາເຈົ້າ ແມ່ນເພື່ອເດີນທາງ ໄປປະເທດທີ 3.