ຣາຄາ ສິນຄ້າ ແພງຂຶ້ນ ໃນໄທ ບໍ່ສົ່ງ ຜົນກະທົບ ຫລາຍ ໃນລາວ
2008.06.19
“ຢູ່ໃນປະເທດລາວເຮົາ ມັນກໍ ບໍ່ຄ່ອຍ ຈະມີຜົນກະທົບ ຫລາຍ ເພາະສີນຄ້າ ທີ່ນໍາເຂົ້າ ຈາກໄທ ທີ່ຣາຄາຂຶ້ນນີ້ ບາງອັນ ກໍເປັນສີນຄ້າ ທີ່ບໍ່ຈໍາເປັນ ໃນຊີວິດ ປະຈໍາວັນ ຖ້າ ຣາຄາແພງຫລາຍ ເຂົາເຈົ້າ ກໍບໍ່ຊື້-ບໍ່ບໍຣິໂພກ.”
ຕາມຄໍາເວົ້າ ຂອງທ່ານ ສີນຄ້າ ນໍາເຂົ້າ ບາງຊະນິດ ປະຊາຊົນ ສາມາດ ຫາຊື້ໄດ້ ໃນຣາຄາຖືກຢູ່ລາວ ຫລື ຖ້າຫາກວ່າ ສິນຄ້າ ມີຣາຄາສູງເກີນໄປ ປະຊາຊົນ ກໍບໍ່ຊື້ ສິນຄ້າ ນັ້ນໆ ຫລື ບໍ່ກໍຫາຊື້ ສິນຄ້າ ທີ່ມີລັກສະນະ ທີ່ຄ້າຍໆກັນ ແຕ່ມີຣາຄາ ຖືກກວ່າ. ປັດຈຸບັນ ຄົນລາວສ່ວນໃຫຍ່ ເປັນຄົນປະຢັດ-ບໍ່ຈ່າຍ ເງິນຟູມເຟືອຍ. ຖ້າຫາກ ສິນຄ້າ ນໍາເຂົ້າ ຈະມີການຂຶ້ນຣາຄາ ທາງຜແນກ ອຸດສະຫະກໍາ ແລະ ການຄ້າ ກໍມີແຜນການ ປະເຊີນ ຫລື ແກ້ໄຂ.
ຖ້າເປັນສິນຄ້າ ທີ່ນໍາເຂົ້າ ປະເທດໄທ ກໍຕ້ອງ ໄດ້ນໍາຂຶ້ນ ຮວມກັນ ສ່ວນມາກ ສີນຄ້າໃດ ທີ່ບໍ່ໄດ້ ກ່ຽວພັນ ກັບສີນຄ້າ ທີ່ນໍາເຂົ້າ ໂດຍສະເພາະ ສີນຄ້າ ອຸປະໂພກ ບໍຣິໂພກ ຢູ່ພາຍໃນ ກໍຖືວ່າ ມັນຍັງ ເໝືອນເດີມ.”
ແລະວ່າ ຄວນປ່ອຍໃຫ້ ຣາຄາສິນຄ້າ ຂຶ້ນ-ລົງ ໄປຕາມ ກົນໄກ ຕລາດ ບໍ່ຄວນ ກໍານົດ ຣາຄາ ສູງສຸດ ຂອງແຕ່ລະ ຊນິດສິນຄ້າໄວ້ ເພາະເມື່ອສີນຄ້າ ຖີບຕົວສູງຂຶ້ນ ບໍ່ວ່າ ຈະຫລາຍ ຫລື ໜ້ອຍ ທົ່ວໄປແລ້ວ ພໍ່ຄ້າຊາວຂາຍ ກໍຈະບໍ່ຂຶ້ນ ຣາຄາສິນຄ້າ ສູງກວ່າ ທີ່ທາງການ ໄດ້ກໍານົດໄວ້.
ແລະ ຖ້າຫາກວ່າ ບໍ່ປັບຣາຄາ ສີນຄ້າຂຶ້ນ ພໍ່ຄ້າ ຊາວຂາຍ ກໍບໍ່ສາມາດ ແບກຫາບ ພາຣະ ຕົ້ນທຶນ ທີ່ສູງຂຶ້ນໄດ້ ເພາະໃນເມື່ອ ບໍຣິສັດ ຜູ້ຜລິດ ຫາກຂຶ້ນ ຣາຄາສີນຄ້າ ຜູ້ຄ້າສົ່ງ ຣາຍຍ່ອຍ ກໍຈໍາເປັນ ຕ້ອງຂຶ້ນເຊັ່ນກັນ ເພື່ອໃຫ້ມີກໍາໄຣ ຢູ່ໄດ້. ສ່ວນ ຜູ້ບໍຣິໂພກ ກໍຈໍາຕ້ອງໄດ້ທໍາໃຈ ຖ້າຫາກວ່າ ມີການຂຶ້ນ ຣາຄາສີນຄ້າ ທີ່ນໍາເຂົ້ານັ້ນ.