ປະຊາຊົນ ເຜົ່າລາວເທິງຂະມຸ ມີແນວໂນ້ມ ເຂົ້າສູ່ຂະບວນ ການຄ້າມະນຸດ ງ່າຍກວ່າ ປະຊາຊົນເຜົ່າອື່ນໆ
2008.01.17
ປະຊາຊົນເຜົ່າລາວເທິງຂະມຸ ມີແນວໂນ້ມ ເຂົ້າສູ່ຂະບວນການຄ້າມະນຸດ ງ່າຍກວ່າ ປະຊາຊົນເຜົ່າອື່ນໆ ເພາະວ່າ ການສຶກສາທາງພາກຣັດ ເຂົ້າໄປບໍ່ຮອດບໍ່ເຖີງ ເຮັດໃຫ້ປະຊາຊົນ ຊົນເຜົ່າ ບໍ່ມີຄວາມຮູ່ ແລະບໍ່ເຂົ້າໃຈ ເຖີງໄພອັນຕະລາຍ ເຖີງຄວາມຊ່ຽງ ໃນຣະຫວ່າງ ການຊອກວຽກເຮັດງານທໍາ ຫລືຖືກຫລອກລວງ ເຂົ້າສູ່ຂະບວນ ການຄ້າມະນຸດ ຮວມທັງປະຊາຊົນ ເຂດຫ່າງໄກລສອກຫລີກ.
ເຈົ້າໜ້າທີ່ກ່ຽວຂ້ອງ ຈາກອົງການກາແດງລາວ ກ່າວກ່ຽວກັບເລື່ອງນີ້ວ່າ:
(ສຽງ) "ດຽວນີ້ຕາມປະເມີນ ເຜົ່າທີ່ຊ່ຽງສູງສຸດ ເຜົ່າລາວສູງ ເຜົ່າຂະມຸ ພວກນີ້ບໍ່ໄດ້ຮັບການສຶກສາສູງ."
ກຸ່ມທີ່ຊ່ຽງເຂົ້າສູ່ຂະບວນ ການຄ້າມະນຸດ ນອກຈາກເດັກນ້ອຍຜູ້ຍີງ ແລະເຍົາວະຊົນແລ້ວ ພົບວ່າ ຊົນເຜົ່າທີ່ອາໃສ ຢູ່ເຂດຫ່າງໃກສອກຫລີກ ທົ່ວປະເທດລາວກໍ ເປັນອີກກຸ່ມນຶ່ງ ທີ່ມີຄວາມຊ່ຽງສູງ ເຊັ່ນກັນ ເພາະວ່າ ຊົນເຜົ່າເຫລົ່ານີ້ ສ່ວນຫລາຍ ເປັນຄອບຄົວໃຫຍ່ ອາໃສເຄື່ອງປ່າຂອງດົງລ້ຽງຊີບ ແລະເມື່ອໂລກມີການປ່ຽນ ໄປຫາວັດຖຸນິຍົມ ຫລາຍຂຶ້ນ ໄດ້ຍີນຈາກຄົນອື່ນ ກ່ຽວກັບ ສີ່ງທີ່ພົບພໍ້ ພາຍນອກຫລາຍຂຶ້ນ ກໍຄິດຢາກຈະເຂົ້າສູ່ ຂະບວນການດັ່ງກ່າວ ເພື່ອຫາເງີນລ້ຽງຊີບ ແລະຈຸນເຈືອຄອບຄົວ.
ນອກຈາກນັ້ນ ຂະບວນການຄ້າມະນຸດ ສ່ວນໃຫຍ່ ກໍເປັນເລື່ອງທີ່ບອກຕໍ່ໆກັນໄປ ຈຶ່ງບໍ່ເປັນເລື່ອງຍາກ ຫາກຈະເຊີນຊວນ ປະຊາຊົນ ຊົນເຜົ່າ ເຂົ້າສູ່ຂະບວນການດ້ວຍ. ທ່ານກ່າວຕໍ່ໄປວ່າ:
(ສຽງ) "ຄວາມຊ່ຽງໝາຍເຖີງ ເຂົາເຈົ້າ ບໍ່ມີວຽກເຮັດງານທໍາ ບໍ່ມີຣາຍໄດ້ ເຂົາເຈົ້າອາດ ຈະຊອກຫາວິທີ ອອກຈາກບ້ານ ເຂົາເຈົ້າໄປຫາຣາຍໄດ້ ຢູ່ບ່ອນອື່ນ."
ໜ່ວຍງານພາກຣັດຂອງລາວ ແລະປະເທດເພື່ອນບ້ານ ເຄີຍໄດ້ຈັດປະຊຸມຮ່ວມກັນ ເພື່ອປ້ອງກັນ ບໍ່ໃຫ້ຂະບວນ ການຄ້າມະນຸດ ເຂົ້າເຖີງຊົນກຸ່ມນ້ອຍ ໂດຍສະເພາະ ຢ່າງຍີ່ງໃນລາວ ແຕ່ໃນຕົວຈີງແລ້ວ ການປ້ອງກັນ ຂອງພາກຣັດ ຍັງບໍ່ສາມາດ ສະກັດກັ້ນໄດ້ ແລະຂະນະນີ້ຊົນກຸ່ມນ້ອຍ ເຜົ່າຕ່າງໆທົ່ວປະເທດລາວ ເຂົ້າສູ່ຂະບວນ ການຄ້າມະນຸດ ເພີ່ມຂຶ້ນ ດ້ວຍຄວາມຮູ້ ເທົ້າບໍ່ເຖີງການ ທ່ານກ່າວໃນທີ່ສຸດ.
ມະນີຈັນ ຣາຍງານ
ອ່ານຂ່າວເພີ້ມເຕີມ
- ຊາວລາວຄົນນຶ່ງ ໃນແຂວງບໍຣິຄຳໄຊ ຮຽກຮ້ອງ ໃຫ້ທາງການລາວ ສົ່ງດິນທີ່ທາງການ ຢຶດໄປນັ້ນ ຄືນໃຫ້ປະຊາຊົນ ຢ່າງເປັນທຳ
- ຣັຖະບານລາວ ມີຄວາມຫວັງວ່າ ຈະເພີ້ມຄວາມສາມາດ ໃນການຜລິດ ພະລັງງານໄຟຟ້າ
- ແຂວງຫລວງພະບາງ ຈະຈຳກັດ ຊາວຕ່າງປະເທດ ໃນການຊື້ດິນ ແລະເຮືອນຢູ່ໃນ ເມືອງມໍຣະດົກໂລກ
- ສປປລາວ ຖືກຈັດຢູ່ໃນອັນດັບທີ່ 137 ໃນບັນຊີຣາຍຊື່ ປະເທດ ທີ່ມີເສຖກິດ ເສຣີທີ່ສຸດໃນໂລກ
- ພາກເອກກະຊົນ ຮ່ວມກັນຈັດຕັ້ງ ສະພາທຸຣະກິດ ໄທ-ລາວ ເພື່ອປະສານງານກັບ ສະພາການຄ້າ ແລະອຸດສະຫະກໍາ ແຫ່ງຊາດ
- ສນາມບິນ ແຂວງຫລວງນ້ຳທາ ຈະເຣີ່ມເປີດບໍຣິກາຣ ໃນຕົ້ນເດືອນເມສານີ້
- ນາຍແພທ ສປປລາວ ວ່າຢາທີ່ນຳມາແຈກຢາຍ ເພື່ອຊ່ວຍເຫລືອປະຊາຊົນ ທີ່ຕ້ອງກາຣ ນັ້ນມີພຽງພໍ
- ກະຊວງ ສາທາຣະນະສຸກ ຮຽກຮ້ອງ ໃຫ້ໂຮງພະຍາບານ ໄຊ້ຢາປິ່ນປົວ ພະຍາດທີ່ຜລິດ ຢູ່ໃນລາວໃຫ້ຫລາຍຂື້ນ
- ຄະນະນັກກິລາ ຄົນພິການລາວ ຈະເຂົ້າຮ່ວມ ການແຂ່ງຂັນ ກິລາຊີເກມ ຄັ້ງທີ 4 ຢູ່ທີ່ແຂວງ ນະຄອນຣາຊະສິມມາ ຂອງໄທ ໃນອີກບໍ່ດົນນີ້
- ປະເທດໄທ ຈະໄຊ້ຂົວມິຕະພາບ ຂ້າມແມ່ນ້ຳຂອງ ແຫ່ງທີສອງ ສວັນະເຂດ - ມຸກດາຫານ ເພື່ອຮັດແນ່ນ ຄວາມສາມັກຄີ ກັບປະເທດເພື່ອນບ້ານ