ແມ່ຍິງ ຊາວວິກເກີ ຖືກປ່ອຍໂຕ ໂດຍບໍ່ໄດ້ເອົາລູກອອກ
2008.11.19
ຜູ້ຍີງຊາວ ວິກເກີ ຜູ້ທີ່ ມີຂ່າວວ່າ ຖືກທາງການຈີນ ບັງຄັບ ໃຫ້ເອົາລູກອອກ ຫລັງຈາກ ການຖືພາລູກ ຄົນທີສອງ ຂອງນາງ ວ່າງອາທີດກ່ອນນັ້ນ, ໃນອາທີດນີ້ ຫລັງຈາກ ທີ່ໂລກປະນາມ ຣັຖບານຈີນ, ທາງການຈີນ ກໍ່ປ່ອຍຕົວນາງ ອອກຈາກໂຮງພະຍາບານແລ້ວ ແລະ ກໍ່ບໍ່ມີ ການບີບບັງຄັບ ໃຫ້ເອົາລູກອອກ ແຕ່ຢ່າງໃດ.
ນາງ ອາຊີ ກຸຍ ຕັນຊູ ແມ່ຍີງຊາວ ວີກເກີ ທີ່ແຂວງ ຊີນຈຽງ ພາກຕາເວັນຕົກ ຂອງຈີນ ໄດ້ຫລຸດພົ້ນ ຈາກການບີບບັງຄັບ ໃຫ້ເອົາລູກອອກ ຈາກທາງການຈີນ ໃນມື້ນີ້ ເປັນເພາະວ່າ ນາໆຊາດ ໄດ້ປະນາມ ການກະທຳ ດັ່ງກ່າວ ຣັຖບານຈີນ ຈື່ງປ່ອຍ ນາງອອກ ຈາກໂຮງພະຍາບານ ບ່ອນທີ່ ຈະເອົາລູກນາງອອກ ອະນຸຍາດ ໃຫ້ນາງ ກັບບ້ານ ແລະ ຖືພາລູກ ຄົນທີສາມ ຂອງນາງ ຕໍ່ໄປໄດ້.
ນາງກ່າວ ຕໍ່ນັກຂ່າວ ວ່າ ນາງສະບາຍດີ ໃນເວລານີ້ ນາງ ຢູ່ບ້ານ ຂອງນາງແລ້ວ ຫົວຫນ້າບ້ານ ບ່ອນທີ່ນາງ ອາສັຍຢູ່ນັ້ນ ບອກຕໍ່ນັກ ຂ່າວວ່າ ນາງ ເປັນຜູ້ພານາງກັບບ້ານ ຫລັງຈາກ ຖືກປ່ອຍຕົວ ຈາກໂຮງພະຍາບານ. ກໍຣະນີ ຂອງນາງອາຊີ ເຮັດໃຫ້ນາໆຊາດ ປະນາມ ຣັຖບານຈີນ ໃນນັ້ນ ກໍ່ມີສະມາຊີກ ສະພາ ສະຫາຣັຖ ສອງທ່ານ ແລະ ເອກອັຄຣາຊທູດ ສະຫາຣັຖ ປະຈຳປັກກີ່ງ ນາງຈື່ງ ຖືກທາງການຈີນ ອະນຸໂລມ ໃນການເອົາລູກລູກ, ນາງເປັນຄົນ ໂຊກດີ ແຕ່ ກຸ່ມຜູ້ຍີງຊາວວີກເກີ ລາຍອື່ນ ອາດຈະ ບໍ່ໂຊກດີ ຄືນາງ.
ຣັຖບານຈີນ ມີນະໂຍບາຍ ອະນຸຍາດ ໃຫ້ຊົນເຜົ່າວິກເກີ ສາມາດ ເອົາລູກໄດ້ ພຽງແຕ່ ສອງຄົນ ເທົ່ານັ້ນ ຖ້າມີ ການຖືພາ ຄົນທີສາມ ຈະຖືກບັງຄັບ ໃຫ້ເອົາລູກອອກ, ນາງຊັນຈີ ຖືພາລູກ ຄົນທີສາມ ພຽງແຕ່ 6 ເດືອນ ເຈົ້າຫນ້າທີ່ຈີນ ກໍ່ມາ ທີ່ບ້ານ ຂອງນາງ ເພື່ອນຳນາງ ໄປໂຮງພະຍາບານ ເອົາລູກອອກ ວ່າງອາທີດກອ່ນ.