ນັກຣົບເກົ່າລາວແລະມົ້ງໃນ ສະຫະຣັດ

ສະພາສູງສະຫະຣັຖ ໄດ້ເສນີໃຫ້ມີການອອກສຽງກ່ຽວກັບກົດຫມາຍໃຫ້ຜົລປໂຍດແກ່ທະຫານຜ່ານເສິກຂອງສະຫະຣັຖ,ໃນມື້ນີ້ຊື່ງຮ່າງກົດ ຫມາຍດັ່ງກ່າວຈະຮວມດ້ວຍການພິຈາຣະນາໃນການໃຫ້ສີດທິການຝັງສົບຂອງອະດີດນັກລົບເກົ່າລາວແລະລາວມົ້ງທີີ່ຮ່ວມຣົບກັບສະຫະ ຣັຖໃນສມັຍສົງຄາມວຽດນາມໃນລາວ.ຜູ້ທີ່ໄດ້ຮຽກຮ້ອງກຽດຕິຍົດແລະສິດທິການຝັງສົບຂອງຕົນໃນສຸສານທະຫານແຫ່ງຊາດສະຫະຣັຖ ເທົ່າທຽບກັບທະຫານສະຫະຣັຖໂດຍທົ່ວໄປ.

ທ່ານ PHILIP SMITH  ຫົວຫນ້າສູນຄົ້ນຄວ້າວິຈັຍນະໂຍບາຍຊຸມຊົນ ທີ່ກຸງວໍຊີງຕັນສະຫະຣັຖອະເມຣີກາ ກ່າວວ່າກົດຫມາຍທົບທວນ ໃຫມ່ທີ່ຊື່ວ່າ S1982 ວ່າດ້ວຍການໃຫ້ຜົລປໂຍດທາງດ້ານສາທາຣະນະສຸຂແລະເງິນເບັ້ຽບຳນານແກ່ນັກຣົບເກົ່າທະຫານອະເມຣິກັນທີ່ສເນີໂດຍປະທານຄະ ນະກັມມະທິການກິຈການນັກລົບເກົ່າ ສະພາສູງສະຫະຣັຖ ທ່ານ BERNIE SANDERS ສັງກັດພັກເອກຣາຊຈາກຣັຖເວີມອນຖືກກຳ ນົດໃຫ້ອອກສຽງໃນມື້ນີ້ໂດຍສະພາສູງສະຫະຣັຖ ແລະອາດຈະມີການໂຕ້ຖຽງກັນກ່ຽວກັບກົດຫມາຍ ທີ່ປະກອບດ້ວຍປະວັດສາດແລະຂໍ້ ຄວາມເພີ້ມຕື່ມຈາກກົດຫມາຍສະບັບເກົ່າກ່ຽວກັບສິດທິແລະກຽດຕິຍົດ ໃນການຝັງສົບຂອງອະດີດນັກລົບເກົ່າລາວແລະລາວມົ້ງໃນນັ້ນ ຮ່ວມດ້ວຍກົດຫມາຍມາຕຣາS944 ແລະ S200.

ທ່ານວ່າຫນ້າເສັຽດາຍ ອະດີດນັກລົບເກົ່າລາວແລະລາວມົ້ງ ຜູ້ທີ່ຮ່ວມຣົບໃນສົງຄາມລັບຂອງສະຫະຣັຖໃນລາວເສັຽຊີວີດຫລາຍຄົນໃນ ສະຫະຣັຖປາສຈາກການຮັບຮູ້ຫລືກຽດຕິຍົດ ໃນການຮັບໃຊ້ ສະຫະຣັຖຂອງພວກຂະເຈົ້າ ແຕ່ຢ່າງໃດ.