ຄະດີຄວາມຢູ່ແຂວງໄຊຍະບູຣີ ຄ້າງຄາ

ເຈົ້າໜ້າທີ່ ຜແນກ ຍຸຕິທັມ ເປີດເຜີຍ ວ່າ ແຂວງ ໄຊຍະບູຣິີ ມີຄະດີ ແພ່ງ ແລະ ຄະດີ ອາຍາ ຫລາຍເຣື້ອງ ທີ່ຕ້ອງໃຊ້ ເວລາ ແກ້ໄຂ ຫລາຍປີ ແຕ່ກໍບໍ່ ສໍາເຣັດ ຍ້ອນການ ເກັບກໍາ ຂໍ້ມູນ ບໍ່ ໄດ້ຄົບຖ້ວນ:

"ສ່ວນຫລາຍ ກໍຄະດີ ກ່ຽວກັບ ໜີ້ສິນ ເນາະ ກູ້ຢືມກັນ ນີ້ ຄະດີແພ່ງ ນີ້ມັນ ແກ່ຍາວ ເນື່ອງຈາກວ່າ ຄວາມ ຫຍຸ້ງຍາກ ແມ່ນເຂົາໄປ ເຮົາໄດ້ໄປ ຫລາຍບ່ອນ ແລ້ວກໍມີ ຫລາຍ ພາກສ່ວນ ເຂົ້າມາ ກ່ຽວຂ້ອງ ແລ້ວ ກໍບໍ່ທັນ ໄດ້ແກ້ໄຂ ນະເນາະ ແກ່ຍາວ ນະ".

ທ່ານວ່າ ໃນຣະຍະ ຜ່ານມາ ມີຄະດີ ຜແນກ ຍຸຕິທັມ ທີ່ແຂວງ ໄຊຍະບູຣີ ຮັບຜິດຊອບ ທັງໝົດ 954 ເຣື້ອງ ໃນນັ້ນ ມີຄະດີ ແພ່ງ 125 ກໍຣະນີ ຄະດີ ອາຍາ 829 ກໍຣະນີ ແຕ່ ສລຸບຄວາມ ໄດ້ ພຽງແຕ່ 86 ກໍຣະນີ ເທົ່ານັ້ນ.

ສາເຫດ ຂອງການ ແກ້ໄຂ ທີ່ຫລ້າຊ້າ ນັ້ນ ກໍຍ້ອນວ່າ ຕ້ອງໄດ້ ປະສານງານ ກັບ ຫລາຍ ພາກສ່ວນ ການສົ່ງ ຂໍ້ມູນ ຣະຫ່ວາງ ໜ່ວຍ ງານ ກໍຊ້າ ເຮັດໃຫ້ ຫລາຍ ຄະດີ ຍືດເຍື້ອ ຄ້າງຄາ ເຖິງ 10 ປີ ກໍມີ ໂດຍສະເພາະ ໃນ ຄະດີແພ່ງ ທີ່ ກ່ຽວກັບ ທີ່ດິນ ສັນຍາ ກູ້ຢືມເງິນ ຣະຫວ່າງ ບຸກຄົນ.