ຣົຖໄຟລາວ-ຈີນ ເປີດບໍຣິການ, ຄ່າຊົດເຊີຍ ຍັງຄ້າງຢູ່

• ໄມ​ຊູ​ລີ ແລະ ໄຊ​ຍາ
  2022-04-23

ໂຄງການ ກໍ່ສ້າງທາງຣົຖໄຟລາວ-ຈີນ ລົງທຶນສູງ ໃຊ້ເວລາ 5 ປີ ກໍ່ສ້າງສຳເຣັດ. ປັດຈຸບັນ ເປີດໃຫ້ການບໍຣິການແລ້ວ ແຕ່ທາງພາກຣັຖ ທີ່ຮັບຜິດຊອບ ການຈ່າຍຄ່າຊົດເຊີຍ ຕໍ່ຜູ້ໄດ້ຮັບຜົລກະທົບ ຍັງບໍ່ທັນໝົດ. ຜ່ານມາ ການຈ່າຍຄ່າຊົດເຊີຍຊັກຊ້າ ແລະ ຫຍຸ້ງຍາກຫລາຍ ພ້ອມທັງ ການກຳນົດລາຄາ ບໍ່ສົມເຫດສົມຜົລ ແຕ່ປະຊາຊົນ ກໍຍອມຮັບເອົາ ຕາມນັ້ນ.

ໄມຊູລີ: ສະບາຍດີ ທ່ານຜູ້ຟັງທີ່ເຄົາຣົບ… ຍິນດີແລະຂໍຕ້ອນຮັບທ່ານ ເຂົ້າມາສູ່ ຣາຍການມາຟັງນຳກັນ. ສັປດານີ້ ມາເວົ້າເຖິງ ເຣື່ອງຂອງຄ່າຊົດເຊີຍ ຂອງໂຄງການ ທາງຣົຖໄຟ ລາວ-ຈີນ. ນັບແຕ່ເຣີ່ມໂຄງການ ຈົນເປີດ ໃຫ້ບໍຣິການການ ແຕ່ຈ່າຍຄ່າຊົດເຊີຍ ກໍຍັງບໍ່ທັນສຳເຣັດ. ໂດຍຫົວຂໍ້ ໃນຣາຍການມື້ນີ້ ແມ່ນ “ຣົຖໄຟ ລາວ-ຈີນ ເປີດບໍຣິການແລ້ວ ແຕ່ຍັງຄ້າງຄ່າຊົດເຊີຍຊາວບ້ານ.” ທ່ານຜູ້ຟັງທ່ານໃດຟັງແລ້ວ ມີຄວາມຄິດເຫັນແນວໃດ ກະຣຸນາ ຊ່ອຍອອກຄຳເຫັນ ຜ່ານຊ​ອ່ງຄອມເມັ້ນ ທີ່ພວກເຮົາ ກຳລັງອອກຣາຍການ ໃນຂະນະນີ້ ຫລື ວ່າ ຕ້ອງການເຂົ້າຮ່ວມ ໃນຣາຍການພວກເຮົາ ດ້ວຍການສັມພາດສະແດງຄຳເຫັນ ຕໍ່ການແກ້ໄຂບັນຫາ ກໍສົ່ງເບີໂທຣະສັບ ຂອງທ່ານລົງຊ່ອງຄອມເມັ້ນ ທີ່ກຳລັງອອກຣາຍການນີ້ໄດ້ ເຊັ່ນກັນ. ສຳລັບມື້ນີ້ ດຳເນີນຣາຍການ ໂດຍ ໄມຊູລີ ແລະ ໄຊຍາ.

ໄຊຍາ: ສະບາຍດີ ທ່ານຜູ້ຟັງ… ກັບມາພົບກັບ ພວກເຮົາສອງຄົນ ກັບປະເດັນຂ່າວເດັ່ນ ປະຈຳສັປດາ. ສຳລັບມືນີ້ ມາຕິດຕາມ ການຣາຍງານ ຂອງທາງການລາວ ເຖິງການຈ່າຍ ຄ່າຊົດເຊີຍ ປະຊາຊົນ ທີ່ໄດ້ຮັບຜົລກະທົບ ຈາກໂຄງການກໍ່ສ້າງ ທາງຣົຖໄຟ ລາວ-ຈີນ. ທ່ານຜູ້ຟັງທ່ານໃດ ທີ່ມີຂໍ້ມູນ ຕ້ອງການແລກປ່ຽນ ກັບພວກເຮົາ ກະຣຸນາ ສົ່ງເບີໂທຣະສັບ ໃນຊ່ອງຄອມເມັ້ນ, ແລ້ວພວກເຮົາ ຈະໂທສັມພາດມາອອກຣາຍການ.

…

(ເຊີນ​ທ່ານ ຟັງ​ຣາຍ​ລະ​ອຽດ ຈາກ​ສຽງ ທີ່​ໄດ້​ບັນ​ທຶກ​ໄວ້ ຂ້າງ​ເທິງ​ນັ້ນ)