ຣົຖໄຟລາວ-ຈີນ ເປີດໃຊ້ ທ່າມກາງ ຄວາມເປັນຫ່ວງ ໜີ້ສິນ
ຣັຖບານລາວ ເປີດໃຊ້ ຣົຖໄຟລາວ-ຈີນ ຢ່າງເປັນທາງການ ທ່າມກາງ ຄວາມເປັນຫ່ວງ ກ່ຽວກັບ ໜີ້ສິນ ໂຄງການຣົຖໄຟ ທີ່ຈະຕ້ອງໃຊ້ຄືນ ແລະ ຜົລກະທົບ ຈາກການຣະບາດ ຂອງໂຄວິດ-19.
-
ໄມຊູລີ ແລະ ໄຊຍາ
2021-12-06 -
-
-
Your browser doesn’t support HTML5 audio
ຣົຖໄຟລາວ-ຈີນ ແມ່ນເປີດນຳໃຊ້ ຢ່າງເປັນທາງການແລ້ວ. ໂຈດຕໍ່ໄປ ຂອງຣັຖບານລາວ ກໍຄືວ່າໂຄງການນີ້ ຈະຄືນທຶນເມື່ອໃດ ເພາະສະພາບການ ທີ່ລາວປະເຊີນ ກໍຄື ຜົລກະທົບ ຂອງໂຄວິດ-19 ຍັງບໍ່ສາມາດ ຄວບຄຸມໄດ້.
ໄມຊູລີ: ສະບາຍດີ ທ່ານ ຜູ້ຟັງທີ່ເຄົາຣົບ ຂໍຕ້ອນຮັບ ເຂົ້າມາສູ່ຣາຍການ “ມາຟັງນຳກັນ”. ຣາຍການນີ້ ຈະຕິດຕາມ ປະເດັນເດັ່ນ ໃນຮອບສັປດາ ມາສເນີໃຫ້ທ່ານ ໄດ້ຮັບຟັງກັນ. ທ່ານໃດ ທີ່ຕ້ອງການ ນຳສເນີຂ່າວ ຫຼື ເຂົ້າຮ່ວມ ແລກປ່ຽນຂ່າວສານ ນຳພວກເຮົາ ກະຣຸນາ ສົ່ງເບີໂທຂອງທ່ານ ມາຍັງອີນບອກ ຜ່ານທາງ ເຟສບຸກຄ໌ ຂອງວິທຍຸ ເອເຊັຽ ເສຣີ. ຈາກນັ້ນ ພວກເຮົາ ຈະຕິດຕໍ່ຫາ ເພື່ອສອບຖາມ ຫຼື ສົນທະນາກັນ ນຳເອົາມາອອກ ຣາຍການ.
ສຳລັບຫົວຂໍ້ ໃນຣາຍການມື້ນີ້ ຣົຖໄຟ ລາວ-ຈີນ ເປີດນຳໃຊ້ ຢ່າງເປັນທາງການແລ້ວ. ມາຕິດຕາມ ຄວາມເປັນມາ ຂອງທາງຣົຖໄຟສາຍນີ້. ໂດຍທີມງານ ພວກເຮົາ ໄດ້ເກັບກຳຂໍ້ມູນ ແລະ ກໍສອບຖາມຈາກຜູ້ຮູ້ມາສເນີ. ແນວໃດກໍຕາມ ຂໍ້ມູນ ທີ່ສເນີ ສ່ວນຫຼາຍ ກໍອີງໃສ່ ທາງການລາວຣາຍງານ. ກໍຕິດຕາມກັນໄດ້ທ່ານຜູ້ຟັງ. ດຳເນີນຣາຍການ ໂດຍ ໄມຊູລີ ແລະ ໄຊຍາ.
ໄຊຍາ: ສະບາຍດີ ທ່ານຜູ້ຟັງ. ມື້ນີ້ ກໍຄົງຫຼີກລ້ຽງບໍ່ໄດ້ ຕໍ່ກັບເຫດການ ເປີດທາງຣົຖໄຟ ລາວ-ຈີນ ໃນລາວ. ເຊິ່ງເປັນເຫດການໃຫຍ່ ສຳລັບປີ 2021. ເພາະຣົຖໄຟສາຍນີ້ ທາງສອງຣັຖບານ ລາວ-ຈີນ ຫວັງໃຊ້ເປັນຈຸດເຊື່ອມຕໍ່ ລະຫວ່າງ ຈີນ-ອາຊ້ຽນ. ນອກຈາກນີ້ ຍັງຄາດຫວັງວ່າ ຣົຖໄຟສາຍນີ້ ຈະຊຸກຍູ້ເຮັດໃຫ້ເສຖກິຈ ຂອງລາວ ມີການພັທນາດີຂຶ້ນ. ໃນຂນະທີ່ ກໍຍັງມີຫຼາຍຝ່າຍ ທີ່ເປັນຫ່ວງວ່າ ລາວອາດຈະໄດ້ປໂຍດ ຈາກໂຄງການນີ້ ໜ້ອຍຫຼາຍ. ໂດຍເຣື່ອງລາວ ຈະເປັນແນວໃດນັ້ນ ຕິດຕາມໄດ້ ໃນລຳດັບຕໍ່ໄປ.
…
(ເຊີນທ່ານ ຟັງຣາຍລະອຽດ ຈາກສຽງ ທີ່ໄດ້ບັນທຶກໄວ້ ຂ້າງເທິງນັ້ນ)