ຣັຖບານລາວຖືກບັງຄັບເຣື້ອງ ສິດທິ ມະນຸດ

ສປປລາວ ເປັນ ປະເທສ ນຶ່ງ ໃນ ຈໍານວນ 14 ປະເທສ ທີ່ ຕົກເປັນ ເປົ້າ ຂອງ ການ ທົບທວນ ການ ປະຕິບັດ ສິດທິ ມະນຸດ ຮວມທັງ ການ ຫາຍສາບສູນ ຂອງ ທ່ານ ສົມບັດ ສົມພອນ ຊຶ່ງ ສະພາ ສິດທິ ມະນຸດ ສະຫະ ປະຊາຊາດ ເລັ່ງໃສ່ ຢູ່ ໃນ ກອງ ປະຊຸມ ຄັ້ງທີ 2 ທີ່ ນະຄອນ ເຈນີວາ ເມື່ອ ວັນທີ 20 ມົກກະຣາ 2015.

ການ ປະຕິບັດ ສິດທິ ມະນຸດ ເວົ້າ ສະເພາະ ຢູ່ ສປປ ລາວ ນັ້ນ ເປັນເຣຶ່ອງ ສໍາຄັນ ທີ່ສຸດ ສໍາລັບ ປະຊາຊົນ ລາວ ເພາະ ມີການ ຣະເມີດ ຢ່າງ ຮຸນແຮງ ຈົນ ສົ່ງຜົລ ກະທົບ ໂດຍກົງ ໃສ່ ຊີວິດ ການ ເປັນຢູ່ ແລະ ການທໍາມາ ຫາກິນ ຂອງ ປະຊາຊົນ, ໃສ່ ການ ພັທນາ ເສຖກິດ ສັງຄົມ ຂອງຊາດ ທີ່ ຍັງທຸກຍາກ ຂາດເຂີນ ຢູ່ນີ້. ດັ່ງນັ້ນ ປະເທສ ປະຊາ ທິປະຕັຍ ທີ່ ຈະເຣີນ ຮວມທັງ ສະຫະຣັຖ ອະເມຣິກາ ຈຶ່ງ ມີຄວາມ ເປັນຫ່ວງ ນໍາ ປະຊາຊົນ ລາວ ທີ່ ມີຊີວິດ ຢູ່ໃນ ສະພາບ ຂາດ ສິດ ເສຣີພາບ ແລະ ປະຊາ ທິປະຕັຍ.